هــــه‌واڵ جیــهانى
نيوزله‌ندا ئاشكراى كوشيان 40 كه‌س كرد و مزگفته‌يليشى به‌سا

نيوزله‌ندا ئاشكراى كوشيان 40 كه‌س كرد و مزگفته‌يليشى به‌سا


شه‌فه‌ق نيوز/ پۆليس نيوزله‌ندا ده‌سكرده‌ به‌سانن گشت مزگفته‌يل وڵاته‌گه‌ تا وه‌خته‌يليگ تر، ئه‌ويش له‌ ئاكام روێداگيگ ده‌سدريژێ ئه‌را بان مزگفته‌يل شار كرايست تشيرش، ك له‌تى 40 كه‌س بوينه‌ قوربانى جوور ئه‌وه‌گ سه‌رۆك وه‌زيره‌يل وڵاته‌گه‌ وه‌ خراوترين روێداگه‌يليگ له‌ مێژوو وڵاته‌گه‌ێ باسى كرد.

 

له‌و باوه‌ته‌و، پۆليس له‌بان ماڵپه‌ڕه‌ فه‌رميه‌گه‌ێ وت: له‌ى قۆناغه‌ ناتويه‌نيم باس له‌ هووكاره‌يل ئى روێداگه‌ يا په‌لامارده‌ره‌يل بكه‌يم، وه‌لێ داوا له‌گشت مزگفته‌يل وڵاته‌گه‌ كرديمنه‌ قاپيه‌يليان بووه‌سن و رينمايى نمازكه‌ره‌يليش كرديمنه‌ حاڵ حازر نه‌چنه‌ مزگفت.

 

جى باسه‌، ئمڕوو له‌ نيوزله‌ندا ته‌قه‌ى فريه‌يگ له‌ دو مزگفت كريا، يه‌كه‌ميان له‌ جاده‌ى دينز، و دويه‌ميش له‌ جاده‌ى لينوود له‌وه‌خت گرده‌وبونيان ئه‌را نماز جومعه‌و 40 كه‌س كوشياو ده‌يان كه‌سيش زه‌خمدار بوين و پۆليسيش 4 گومانليكرياێ ده‌سگير كرد.