هــــه‌واڵ جیــهانى
ئه‌نده‌نوسيا.. 2000 ته‌رم و دو شار ئه‌كريه‌ێده‌‌‌ "قه‌ورسان وه‌جه‌م" ‌

ئه‌نده‌نوسيا.. 2000 ته‌رم و دو شار ئه‌كريه‌ێده‌‌‌ "قه‌ورسان وه‌جه‌م"  ‌


شه‌فه‌ق نيوز/ ده‌سڵاته‌يل ناوچه‌يى ئه‌نده‌نوسى، ئاشكراى ئه‌وه‌ كردن ك ده‌رئه‌نجام زه‌ويه‌له‌رزه‌ تسۆناميه‌گه‌ى هه‌فته‌ى گوزه‌يشت له‌ دويرگه‌ى سولاويسى نزيكه‌ى 2000 كه‌س كوشتگه‌و پيشبينى يه‌يش ئه‌كه‌ن ئه‌و شماره‌ به‌رزه‌و بدێ، چوينكه‌ تائيسه‌يش هه‌زاران كه‌س بيسه‌روشوونن.

 

له‌ى باوه‌ته‌و، محه‌مه‌د ته‌وهير قسه‌كه‌ر وه‌ناو سوپا ئه‌را فرانس پرێس، وت: 1944 ته‌رم له‌شار بالۆ و ده‌ورگردى دوينرياسه‌و ك كه‌فته‌ وه‌ر زه‌ويه‌له‌رزه‌ێ وه‌هيز 7،5 پله‌ى ريخته‌ر و ئى شماره‌يشه‌ قابله‌ ئه‌را زيايبوين، چوينكه‌ تائيسه‌ فه‌رمان نه‌درياگه‌ ئه‌را وسانن له‌كار گه‌ردين له‌شوون ته‌رمه‌يل.

 

جى باسه‌، حكومه‌ت ئه‌نده‌نوسى هوير له‌وه‌ ئه‌كا دو شار له‌ نزيك بالۆ ك پيكهاتنه‌ له‌ شاره‌يل بيتوبۆ و بالاروا بكاده‌ قه‌ورسان وه‌جه‌م له‌وه‌ر ئه‌وه‌گ ئه‌و هه‌ردوگ شاره‌ له‌ئاكام ئه‌و زه‌ويه‌له‌رزه‌ وه‌ ته‌مامى ويران بوينه‌و وه‌و ويرانييه‌و مه‌ندنه‌، يه‌يش له‌وه‌ختيگ ده‌سڵاته‌يل ئه‌و وڵاته‌ گومان له‌وه‌ ئه‌كه‌ن 5 هه‌زار كه‌س تائيسه‌ بيسه‌روشوون بوون و شايه‌ت له‌ژير ويرانه‌ێ ئه‌و شاره‌يله‌ بوون.