هــــه‌واڵ كــوردى
يه‌كێتى نيشتمانى: ملله‌ت كورد وه‌ ئاشتيانه‌ داواێ مافه‌يل خوه‌ێ ئه‌كا

يه‌كێتى نيشتمانى: ملله‌ت كورد وه‌ ئاشتيانه‌ داواێ مافه‌يل خوه‌ێ ئه‌كا


شه‌فه‌ق نيوز/ كۆسره‌ت ره‌سول عه‌لى جيگر يه‌كه‌م ئه‌ميندار گشتى يه‌كێتى نيشتمانى كوردستان وه‌ل ميكيل جونيرۆ باڵوێز به‌رازيل له‌ عراق باس ه‌ په‌يوه‌نديه‌يل ناونى هه‌رێم كوردستان و به‌رازيل كردن.

 

كۆسره‌ت له‌ وه‌خت پيشوازيكردنى له‌ جونيرۆ خوه‌شاڵى خوه‌ێ ده‌رخست ئى سه‌ردانيه‌ ئه‌را هه‌رێم كوردستان و ئاره‌زوو ئه‌وه‌يش كرد ئيچنه‌ سه‌ردانه‌يليگ دوباره‌وه‌ بكريه‌ن له‌وه‌ر بته‌وكرن و وه‌رده‌وامى په‌يوه‌نديه‌يل ناونى به‌رازيل و هه‌رێم كوردستان و له‌لايه‌ن خوه‌ييشه‌و باڵوێز به‌رازيلى سه‌رسام بوێ وه‌ هه‌رێم كوردستان و ئه‌و ژيان هاوبه‌شه‌ له‌ناونى پيكهاته‌يلى و جه‌خت له‌ پشتگيرى وڵاته‌گه‌ێ ئه‌را هه‌رێم كرد.

 

جى باسه‌، له‌و ديداره‌ كۆسره‌ت ره‌سول عه‌لى مه‌سه‌له‌ێ راپرسێ باسكرد و جه‌خت له‌وه‌يش كرد ك ملله‌ت كورد وه‌شيوه‌يگ ئاشتيانه‌ داواێ مافه‌يل ره‌واێ خوه‌ێ ئه‌كا و كورد ئاره‌زوو پشتگيرێ و لايه‌نگرێ هاوپه‌يمانه‌يليان ئه‌كه‌ن ئه‌را ئى مه‌سه‌له‌.