هــــه‌واڵ كــوردى
كوردستان 500 ته‌ن سيف ئه‌را روسيا هه‌نارده‌ ئه‌كا

كوردستان 500 ته‌ن سيف ئه‌را روسيا هه‌نارده‌ ئه‌كا


شه‌فه‌ق نيوز/ عه‌بدولستار مه‌جيد وه‌زير كشتوكاڵ و سه‌رچه‌وه‌يل ئاوێ له‌ حكومه‌ت هه‌رێم كوردستان، ئاشكراێ ئه‌وه‌ كرد ك جه‌م به‌رهه‌م هه‌رێم له‌ مه‌حسوڵ سيف زه‌مينى ساڵ گوزه‌يشت ره‌سيه‌سه‌ 243 هه‌زار ته‌ن و نزيكه‌ێ 3400 ته‌ن له‌لى ئه‌را ته‌قويه‌كردن ئمساڵ بويه‌و ئاماژه‌ وه‌يه‌يش كرد ك بڕياره‌ ئمساڵ 500 ته‌ن سيف زه‌مينى هه‌ناره‌ێ روسيا بكريه‌ێد.

 

مه‌جيد له‌ لێدوانيگ رووژنامه‌گه‌رى وت: وزاره‌ته‌گه‌ ده‌سكرده‌سه‌ گرينگداين وه‌ له‌ خوه‌يگرتن كشتوكاڵ سيف زه‌مينى له‌ ساڵ 2008 تائيسه‌و ئه‌وسايش ساڵانه‌ به‌رهه‌مى ته‌نيا هه‌زار ته‌ن بويه‌، وه‌لێ ساڵه‌يل دوياتر كه‌مه‌ كه‌مه‌ ئه‌و به‌رهه‌مه‌ به‌رزه‌و بويه‌و هه‌وه‌جه‌ێ بازاڕيش پڕه‌و كردگه‌.

 

جى باسه‌، مه‌جيد هه‌ميش وت: وزاره‌ته‌گه‌ نياز ئه‌وه‌ ديرێد ئمساڵ 500 ته‌ن سيف ئه‌را روسيا هه‌نارده‌ بكا جوور ساڵه‌يل وه‌رين ك هه‌ناره‌ێ كرد ئه‌را سعوديه‌و ده‌وڵه‌ته‌يل تر.