هــــه‌واڵ كــوردى
سلێمانى شماره‌يگ گازينۆ و دوكانه‌يل بليارد به‌سا

سلێمانى شماره‌يگ گازينۆ و دوكانه‌يل بليارد به‌سا


شه‌فه‌ق نيوز/ قايمقاميه‌ى شار سلێمانى له‌ هه‌رێم كوردستان، ئاشكراى به‌سانن شماره‌يگ له‌ گازينۆيه‌يل و دوكانه‌يل وازيكردن بليارد كرد له‌ شاره‌گه‌ وه‌ بوونه‌ى ئه‌وه‌گ پابه‌ند نه‌وينه‌ وه‌ مه‌رج و رينمايه‌يل كار.

 

له‌ى باوه‌ته‌و، گۆران قادر سه‌رۆك ليژنه‌يل هاوبه‌ش له‌ قايمقاميه‌ى سلێمانى له‌ لێدوانيگ رووژنامه‌گه‌رى وت: وه‌ بوونه‌ى په‌يڕه‌و نه‌كردن مه‌رجه‌يل و رينمايه‌يل و وجوود سه‌رپيچێ بڕيار به‌سانن شماره‌يگ دوكان وازيكردن بليارد و گازينۆيه‌يل درياگه‌.

 

جى باسه‌، قادر باس له‌وه‌يش كرد سه‌رپيچێ ئه‌و دوكانه‌يله‌ ئه‌وه‌ بويه‌ ك روخسه‌ت كار و پيشكه‌شكردن قليان نه‌يرن ك له‌ناو هۆڵه‌يل بليارد قه‌يه‌غه‌ كريانه‌و پابه‌ند نه‌وينه‌ وه‌ مه‌رجه‌يل ته‌ندروستى.