هــــه‌واڵ عــیراق
ناوخوه‌يى دڵنيايى دا كورده‌يل فه‌يلى: وه‌رگرێ له‌لێدان ئه‌كه‌يم

ناوخوه‌يى دڵنيايى دا كورده‌يل فه‌يلى: وه‌رگرێ له‌لێدان ئه‌كه‌يم


شه‌فه‌ق نيوز/ وزاره‌ت ناوخوه‌يى عراقى دڵنيايى دا پيكهاته‌ێ كورد فه‌يلى وه‌ ئه‌وه‌گ وه‌رگرێ له‌ليان ئه‌كا و له‌ باقى رووڵه‌يل تر ملله‌ت عراقى، ئه‌ويش دوياێ ئه‌وه‌گ ده‌نگيليگ شۆفينيانه‌ داواێ ده‌ه‌ركردنيان كرد له‌ به‌غدا.

 

وزاره‌ت ناوخوه‌يى له‌ به‌ياننامه‌يگ ئه‌را(شه‌فه‌ق نيوز)وت: قاسم ئه‌عره‌جى وه‌زير وزاره‌ته‌گه‌ له‌ ديدارێ وه‌ل شماره‌يگ هاووڵاتى له‌ پيكهاته‌ێ كورد فه‌يلى له‌ به‌غداێ پايته‌خت جه‌خت له‌وه‌ كردگه‌ ك وزاره‌ت ناوخوه‌يى وزاره‌ت گشت ملله‌ت عراقيه‌ و وه‌رگرێ له‌ليان ئه‌كاو خزمه‌ت خواست وه‌پيان پيشكه‌ش ئه‌كا وه‌بى جياوازێ.

 

جى باسه‌، به‌ياننامه‌گه‌ هه‌ميش وت: ئه‌عره‌جى جه‌خت له‌بان ريز و حورمه‌ت قوربانيه‌يل كورد فه‌يلى كردگه‌ وه‌ دريژايى رووژگار و نيشتمان په‌روه‌رييان و له‌ هه‌مان وه‌خت ئاماژه‌ وه‌يه‌يش كرد ك ناوخوه‌يى هه‌ر هه‌ڕه‌شه‌يگ له‌ هه‌ر پيكهاته‌يگ ملله‌ت عراقى و له‌وانه‌يش پيكهاته‌ێ كورد فه‌يلى ره‌ته‌و كرد.