هــــه‌واڵ كــوردى
بارزانى ئاماده‌س ده‌سپيشخه‌رى بكا له‌ناونى ئه‌نقه‌ره‌و كورد له‌ توركيا

بارزانى ئاماده‌س ده‌سپيشخه‌رى بكا له‌ناونى ئه‌نقه‌ره‌و كورد له‌ توركيا


شه‌فه‌ق نيوز/ پارت ديموكرات كوردستان له‌ هه‌رێم كوردستان، ئاشكراى ئه‌وه‌ كرد ك مه‌سعود بارزانى سه‌رۆك پارته‌گه‌ ئاماده‌س ئه‌را خستنه‌ڕوێ ده‌سپيشخه‌رى له‌وه‌ر چاره‌سه‌ر ناكويه‌يل ناونى ده‌سڵاته‌يل توركى و هاووڵاتيه‌يل كوردى.

 

مه‌حمود محه‌مه‌د فه‌ره‌ج قسه‌كه‌ر وه‌ناو پارت ديموكرات كوردستان له‌ لێدوانيگ ئه‌را رووژنامه‌نويسه‌يل له‌دوياى دانيشتن وه‌ل شانديگ له‌ حزب ملله‌ته‌يل ديوكراتى وه‌ سه‌رۆكايه‌تى په‌روين بولدان سه‌رۆك هاوبه‌ش حزبه‌گه‌ له‌ هه‌ولێر وت: له‌يه‌كڕه‌سينه‌وه‌ى هاوبه‌شيگ هه‌س له‌ناونى گشت لايه‌نه‌يل كوردستانى له‌باره‌ى ئه‌و فشاره‌يله‌ ك ئه‌ياده‌ تويش كوردستان.

 

جى باسه‌، فه‌ره‌ج هه‌ميش وت: پارت ديموكرات كوردستان و حكومه‌ت هه‌رێم كوردستان و سه‌رۆك ئاماده‌ن ئه‌را خستنه‌ڕوێ ده‌سپيشخه‌رى ئاشتى له‌وه‌ر چاره‌سه‌ر ناكوكيه‌يل ناونى حكومه‌ت توركى و كورد، وه‌لێ ئه‌گه‌ر خواستيگ راسكانى بدێ له‌ناونى هه‌ردوگلا.