هــــه‌واڵ عــیراق
عراق له‌باره‌ێ قه‌ورسانه‌يل وه‌جه‌م داعش داواى پشتگيرى ناوده‌وڵه‌تى ئه‌كا

عراق له‌باره‌ێ قه‌ورسانه‌يل وه‌جه‌م داعش داواى پشتگيرى ناوده‌وڵه‌تى ئه‌كا


شه‌فه‌ق نيوز/ كومسيۆن باڵاى مافه‌يل ئاده‌ميزاد، داوا له‌ كۆمه‌ڵگاى ناوده‌وڵه‌تى كرد پشتگيرى عراق بكا له‌ دوسيه‌ێ قه‌ورسانه‌يل وه‌جه‌م له‌ ناوچه‌يل ئازادكرياێ.

 

عه‌لى به‌ياتى قسه‌كه‌ر فه‌رمى كومسيۆنه‌گه‌ له‌ به‌ياننامه‌يگ وت: هه‌ڵمه‌ته‌يل ئازادكردن ناوچه‌يل سه‌ر وه‌ پاريزگايه‌يل نه‌ينه‌واو كه‌ركوك و سه‌ڵاحه‌دين و ئه‌نبار و بابل له‌ژير ده‌سڵات ريكخرياگ ترۆريستى داعش شماره‌ێ فريه‌يگ له‌ قه‌ورسانه‌يل وه‌جه‌م له‌تيان كه‌فته‌ ده‌يشت و ته‌رم سه‌دان له‌ قوربانيه‌يل له‌تيان وجوود ديرێد و ئى مه‌سه‌له‌يشه‌ هه‌وه‌جه‌ وه‌ هه‌وڵ فيشتر له‌ ئيسه‌ێ حكومه‌ت ديرێد له‌وه‌ر فريه‌يى ئه‌و قه‌ورسانه‌يله‌.

 

جى باسه‌، به‌ياتى داوا له‌ نه‌ته‌وه‌يل يه‌كگرتگ و كۆمه‌ڵگاى ناوده‌وڵه‌تى كرد پشتگيرى ليژنه‌ى باڵاێ قه‌ورسانه‌يل وه‌جه‌م بكه‌ن له‌ عراق ك كومسيۆن باڵاێ مافه‌يل ئاده‌ميزاد و ده‌زگاى شه‌هيده‌يل ئه‌ندامێتى له‌تى ديرن، ئه‌ويش له‌وه‌ر وازكردن ئى قه‌ورسانه‌يله‌ له‌ڕى توانا و شاره‌زايى خواستيگ ئه‌را دراوردن ته‌رم قوربانيه‌يل و بردن و وشكانن DNA و متابقه‌كردنى وه‌ل عه‌ينات كه‌س و كاره‌يليان.