هــــه‌واڵ عــیراق
كارمه‌نديگ حكومى فيشتر له‌ ملياريگ دينار عراقى دزيه‌

كارمه‌نديگ حكومى فيشتر له‌ ملياريگ دينار عراقى دزيه‌


شه‌فه‌ق نيوز/ ليژنه‌ێ ده‌سپاكى ئاشكراێ ئه‌وه‌ كرد ك دادگاێ باڵاێ تاوانه‌يل تايبه‌ت وه‌ كاره‌يل ده‌سپاكى حوكميگ غيابى زيندانيكردن ئه‌را ماوه‌ێ 15 ساڵ ده‌رهه‌ق كارمه‌نديگ وه‌رين له‌ وزاره‌ت لاوان و وه‌رزش ده‌ركردگه‌ له‌ئاكام دزيكردن فيشتر له‌ مليار و روبعيگ دينار عراقى له‌ دارايى گشتى.

 

له‌ى باوه‌ته‌و، ده‌زگاێ په‌يجوريه‌يل له‌ ليژنه‌ێ ده‌سپاكى له‌ به‌ياننامه‌يگ ئه‌را(شه‌فه‌ق نيوز)وت: تومه‌تبار ئه‌مجه‌د عادل كه‌ريم بڕ (1,262,935,550)دينار عراقى دزيه‌ له‌ڕى ده‌سكاريكردن خشته‌ێ مادده‌يل تايبه‌ت وه‌ پرووژه‌ێ رمانن و بنياتناين مونته‌داێ جايه‌ڵه‌يل مه‌حموديه‌.

 

جى باسه‌، ده‌زگاێ ناوبرياێ هه‌ميش وت: دادگا ره‌سيه‌سه‌ ئه‌و قه‌ناعه‌ته‌ ك جورم ئه‌و تومه‌تباريشه‌ بكريه‌ێد وه‌ گووره‌ێ به‌نده‌يل مادده‌ێ (316)ى ياساى سزايه‌يل بيجگه‌ واينى له‌ڕوێ عه‌داڵه‌ت.