هــــه‌واڵ عــیراق
يابان ناخوازێد ره‌نجى له‌ عراق وه‌زاێ بچێد

يابان ناخوازێد ره‌نجى له‌ عراق وه‌زاێ بچێد


شه‌فه‌ق نيوز/ فوميو ئيواى باڵوێز يابان له‌ به‌غدا، وشدارى ئه‌وه‌ دا له‌وه‌گ ره‌نج و ته‌قلاى وڵاته‌گه‌ى له‌ عراق وه‌زاێ بچێد له‌ حاڵه‌تيگ ك حكومه‌ت ناوه‌ندى رى وشوون خواست نه‌ياشتوود ئه‌را چه‌سپانن وه‌رپرسيارێتى خوه‌ى له‌ وه‌رانوه‌ر قه‌رز يابانى.

 

ئيواى له‌ ڕى وڕه‌سم ته‌مامكردن پرووژه‌ى په‌ره‌داين وه‌ تووڕ په‌يوه‌نديه‌يل له‌ چوارچيوه‌ى پرووژه‌ى قه‌رز ده‌سميه‌ت فه‌رمى يابانى ك له‌ وزاره‌ت په‌يوه‌نديه‌يل ساز كريا وت: ئى پرووژه‌ ك له‌ساڵ 2012 ئمزاى كرياگه‌ وه‌خاتر ده‌سوه‌ركردن خزمه‌تگوزاريه‌يل تازه‌ دامه‌زرياگه‌ جوور گورجكردن تووڕ ئه‌نته‌رنێت و جيوازكردن ڤيديۆيى ئه‌را 150،000 ماڵ له‌ به‌غدا وه‌ل كووتايى مانگ ئايار 2017.

 

جى باسه‌، باڵوێز يابانى جه‌ختيش له‌بان پابه‌ندى وڵاته‌گه‌ى كرد ئه‌را په‌ره‌داين وه‌ عراق له‌ڕى پيشكه‌شكردن پرووژه‌يل ته‌مامكرياێ و له‌وانه‌يش پرووژه‌يل به‌نده‌ره‌يل و زيايكردن ئاوه‌يل و كاره‌باو، په‌يين و چشته‌يل تر و وشدارى ئه‌وه‌يش دا ك گشت ره‌نجه‌يلى بچێد وه‌زاى له‌ حاڵه‌تيگ ئه‌گه‌ر حكومه‌ت عراقى و ملله‌ته‌گه‌ى رى وشوون خواشت ئه‌را وه‌رپرسياريتييان نه‌گرنه‌ وه‌ر له‌ى كاره‌يله‌.