هــــه‌واڵ عــیراق
هاوپه‌يمان ناوده‌وڵه‌تى نقڵانه‌ێ كوشتار سه‌ختيگ دا له‌ رووژه‌يل ئاينده‌

هاوپه‌يمان ناوده‌وڵه‌تى نقڵانه‌ێ كوشتار سه‌ختيگ دا له‌ رووژه‌يل ئاينده‌


شه‌فه‌ق نيوز/ قسه‌كه‌ر وه‌ناو هاوپه‌يمان ناوده‌وڵه‌تى دژ ريكخرياگ ترۆريستى داعش باس له‌وه‌ كرد ك موسڵ ئه‌دێده‌ شانۆيگ ئه‌را كوشتار سه‌ختيگ له‌ناونى هيزه‌يل عراقى و چه‌كداره‌يل ترۆريستى داعش، وه‌لێ جه‌خت له‌وه‌يش كرد ك هاوردنه‌وه‌ى شاره‌گه‌ له‌ژير ده‌سڵات ئه‌و ريكخرياگه‌ ته‌نيا مه‌سه‌له‌ى وه‌خته‌.

 

جون دوريان له‌ لێدوانيگ رووژنامه‌گه‌رى ك(شه‌فه‌ق نيوز)ئاگادارى بوى، وت: هيزه‌يل عراقى وه‌شيوه‌ى فراوانيگ پيشڕه‌وى ئه‌كاو موسليش ئه‌دێده‌ شانۆيگ ئه‌را كوشتار سه‌ختيگ له‌ ماوه‌ى رووژه‌يل ئاينده‌، وه‌لێ له‌ناوبردن داعش ته‌نيا مه‌سه‌له‌ى وه‌خته‌و ئه‌و شاره‌ ئازاد ئه‌كريه‌ێد.

 

جى باسه‌، هيزه‌يل عراقى وه‌ پشتگيرى هاوپه‌يمان ناوده‌وڵه‌تى له‌ 17ى ئوكتۆبه‌ر/ ته‌شرين يه‌كه‌م گوزه‌يشت ده‌سكرنه‌ هه‌ڵمه‌تيگ سه‌ربازى ئه‌را ئازادكردن شار موسڵ و دوياى سێ مانگ له‌ جه‌نگ ديم خوه‌رهه‌ڵات ئه‌و شاره‌ ئازاد كريا.