هــــه‌واڵ كــوردى
بارزانى: با ‌به‌ش رووڵه‌ێ پيكهاته‌يل بيه‌ێم.. وه‌لێ ده‌س له‌ كوردستانيه‌ت كه‌ركوك هه‌ڵناگرێم

بارزانى: با ‌به‌ش رووڵه‌ێ پيكهاته‌يل بيه‌ێم.. وه‌لێ ده‌س له‌ كوردستانيه‌ت كه‌ركوك هه‌ڵناگرێم


شه‌فه‌ق نيوز/ مه‌سعود بارزانى سه‌رۆك پارت ديموكرات كوردستان باوه‌ڕێ ئه‌وه‌سه‌ كه‌ركوك بدێده‌ نموونه‌يگ ئه‌را ژيان و له‌ڕوێ ئدارييشه‌و بايه‌سه‌ كورد فريه‌ كه‌ريم بوون و له‌به‌ش خوه‌يان بيه‌نه‌ پيكهاته‌يل تر.

 

بارزانى وت: كورد هويچ وه‌ختيگ مساومه‌ له‌بان كوردستانيه‌ت كه‌ركوك ناكه‌يم و بايه‌سه‌ بارودوخ ئيسه‌ له‌تى و له‌ناوچه‌يل كيشه‌ له‌سه‌ر وه‌ گووره‌ى مادده‌ى 140 ده‌ستوور چاره‌سه‌ر بكريه‌ێد.

 

بارزانى يه‌يش ده‌رخست ك هه‌ميشه‌ ئه‌و‌ باوه‌ڕه‌ ديرێد كه‌ركوك بدێده‌ نموونه‌يگ ئه‌را وه‌يه‌كه‌وه‌ژيان ئاشتيانه‌ له‌ناونى پيكهاته‌يلێ و بايه‌سه‌ بارودوخ له‌تى چاره‌سه‌ر بكريه‌ێد و نه‌بايه‌د داگيركارى كه‌ركوك بدێده‌ مه‌سه‌له‌يگ راسكانى.