هــــه‌واڵ عــیراق
شماره‌ى قوربانيه‌يل له‌ به‌سره‌ زياێ بوێ و باڵه‌خانه‌يل حكومى ئاگر دريا

شماره‌ى قوربانيه‌يل له‌ به‌سره‌ زياێ بوێ و باڵه‌خانه‌يل حكومى ئاگر دريا


شه‌فه‌ق نيوز/ ئاست خوه‌ينيشانداينه‌يل له‌ پاريزگا به‌سره‌ به‌رزه‌و بوێ و بويه‌ هووكار كه‌فتنه‌وه‌ى قوربانيه‌يل له‌ ناو خوه‌ينيشانده‌ره‌يل و هيزه‌يل ئه‌منى.

 

سه‌رچه‌وه‌يگ ئه‌را شه‌فه‌ق نيوز وت: خوه‌ينيشانده‌ره‌يل چينه‌سه‌ ناو باڵه‌خانه‌ى ديوان پاريزگاى به‌سره‌و ده‌سڵات گرته‌سه‌ بانى و ئاگر له‌لى وه‌ردانه‌ بيجگه‌ ئاگرداين كه‌ره‌ڤانه‌يل حكومى.

 

سه‌رچه‌وه‌گه‌ هه‌ميش وت: هه‌واڵه‌يل باس له‌وه‌ ئه‌كه‌ن دو خوه‌ينيشانده‌ر كوشيانه‌و 10 كه‌سيش له‌ كارمه‌نده‌يل هيزه‌يل ئه‌منى زه‌خمدار بوينه‌ له‌ روێ وه‌ڕوێ بوينه‌وه‌يگ له‌ نزيك باڵه‌خانه‌ى ئه‌نجومه‌ن پاريزگاو پاريزگار.