هــــه‌واڵ عــیراق
پيشبينى ئه‌وه‌ ئه‌كريه‌ێد به‌غدادى له‌ مه‌رز عراق كوشياوێد

پيشبينى ئه‌وه‌ ئه‌كريه‌ێد به‌غدادى له‌ مه‌رز عراق كوشياوێد


شه‌فه‌ق نيوز/ چالاكوانه‌يل سياسى باس له‌وه‌ كردن ك هيزه‌يل هاوپه‌يمان ناوده‌وڵه‌تى وه‌ سه‌رۆكايه‌تى واشنتۆن كرده‌وه‌يگ ئنزال چواره‌م له‌ى ماوه‌ى دوياخره‌ ئه‌نجام دانه‌ له‌ پاريزگاى حه‌سه‌كه‌ له‌ باكوور خوه‌رهه‌ڵات سورياو يه‌كيگ له‌ سه‌ركرده‌يلريكخرياگ ترۆريستى داعش ده‌سگير كردنه‌.

 

چالاكوانانه‌يل له‌ ماڵپه‌ڕه‌يل په‌يوه‌ندى كۆمه‌ڵايه‌تى وتن: ئه‌و ئنزال ئاسمانيه‌ له‌ نزيك شار ئه‌لهۆل له‌ مه‌رزه‌يل سوورى - عراقى له‌ ريف حه‌سه‌كه‌ ئه‌نجام گرتگه‌ و ئه‌و سه‌ركرده‌ى داعشيشه‌ ك ده‌سگير كرياگه‌ له‌ناو خاكه‌يل عراقه‌و هاته‌سه‌ ناو خاك سوورى.

 

له‌لاى خوه‌ييشه‌و، تووڕ "ئه‌لئتحاد پرێس" ك شه‌فه‌ق نيوز ئاگادارى بوێ وت: ئامانج له‌و كرده‌وه‌ ده‌سگيركردن ئه‌بو به‌كر به‌غدادى سه‌ركرده‌ى ريكخرياگ ترۆريستى داعش بويه‌و جه‌ختيش له‌بان ژنه‌فتن ته‌قه‌يل فريه‌يگ كردن له‌ ناوچه‌گه‌.

 

تووڕ ناوبرياێ باس له‌وه‌يش كرد ك پيشبينى ئه‌وه‌يش ئه‌كريه‌ێد سه‌ركرده‌ى ريكخرياگ داعش ئه‌گه‌ره‌يل ئه‌وه‌ ديرێد ده‌سگير كرياوێد يا كوشياوێد، وه‌لێ وه‌ ته‌واوى ته‌ئكيد نيه‌ له‌ هه‌واڵه‌گه‌.