هــــه‌واڵ عــیراق
ته‌هران دوياى ئمزاكردن چه‌ن ريككه‌فتنيگ: عراق سه‌رچه‌وه‌يگه‌ ئه‌را ئابوورى ئيران

ته‌هران دوياى ئمزاكردن چه‌ن ريككه‌فتنيگ: عراق سه‌رچه‌وه‌يگه‌ ئه‌را ئابوورى ئيران


شه‌فه‌ق نيوز/ عراق و ئيران چه‌ن ريككه‌فتنيگ بازرگانى ئمزا كردن له‌وه‌ختيگ حه‌سه‌ن روحانى وه‌ سه‌ردانيگ هاته‌سه‌ به‌غداى پايته‌خت وه‌ هه‌وڵيگ ئه‌را زيايكردن نفوز و پته‌وكردن په‌يوه‌نديه‌يل بازرگانى له‌وه‌ر ده‌سميه‌تداين ئه‌را كه‌مه‌وكردن ئه‌و سزايه‌يله‌ تازه‌ى ئه‌مريكا ك چه‌سپياگه‌ له‌بان ئيران.

 

له‌ناونى ئه‌و ريككه‌فتنه‌يليشه‌ دروسكردن سكه‌يگ ئاسنين ك هه‌ردوگ وڵاته‌گه‌ ئه‌وه‌سێده‌ يه‌كه‌و، ك ئى ريككه‌فتنيشه‌ دوياى كه‌ميگ له‌ سه‌ردانه‌گه‌ێ روحانى ئمزا كريا، يه‌يش نيشانه‌ى ئه‌وه‌سه‌ ك هيمان ته‌هران رۆڵ زاڵبوييگ ديرێد له‌ عراق ك هه‌رچه‌نى ئه‌مريكايش هه‌وڵ دويره‌وخستن ده‌خاڵه‌ت ئيرانى ئه‌ياد له‌ ناوچه‌گه‌.

 

له‌و باوه‌تيشه‌و نويسينگه‌ى سه‌رۆك وه‌زيره‌يل له‌ به‌ياننامه‌يگ وت: روحانى و عه‌بدولمه‌هدى چه‌ن ياداشتيگ له‌يه‌كڕه‌سينه‌وه‌ ئمزا كردنه‌ له‌ بواره‌يل نه‌فت و بازرگانى و ته‌ندروسى و خه‌ت سكه‌ى ئاسنين ك به‌سره‌ په‌يوه‌س ئه‌كاده‌ شه‌لامچه‌ى ئيرانى.

 

جى باسه‌، وه‌رپرسيگ باڵاى ئيرانييش ك ياوه‌رى روحانى كرد له‌ سه‌ردانه‌گه‌ێ ئه‌را رويته‌رز وت: عراق سه‌رچه‌وه‌يگ تره‌ ئه‌را ئيران له‌وه‌ر ده‌سميه‌تداينى له‌ سزايه‌يل ئه‌مريكى و ئى سه‌ردانه‌ ده‌رفه‌ت دابين ئه‌كا ئه‌را ئابوورى ئێرانى.