هــــه‌واڵ كــوردى
يه‌كێتى شكايه‌ت ئه‌و حزبه‌يله‌ ئه‌كا تومه‌تبارێ كردنه‌

يه‌كێتى شكايه‌ت ئه‌و حزبه‌يله‌ ئه‌كا تومه‌تبارێ كردنه‌


شه‌فه‌ق نيوز/ يه‌كێتى نيشمانى كوردستان باس شكايه‌تكردن ئه‌و لايه‌نه‌يل و حزبه‌يل سياسيه‌ كرد ك تومه‌تبارى ئه‌كه‌ن وه‌ ساخته‌كردن له‌ هه‌ڵوژاردنه‌يل ته‌شريعى له‌ ده‌نگداين گشتى له‌ هه‌ردوگ پاريزگاى كه‌ركوك و سلێمانى.

 

سمكۆ ئه‌سعه‌د راوێژكار ياسايى حزبه‌گه‌ له‌ كۆنگره‌يگ رووژنامه‌گه‌رى ك ساز كريا له‌ سلێمانى وت: مه‌سه‌له‌ى ساخته‌كردن هه‌ڵوژاردنه‌يل تاوان گه‌ورايگه‌و كۆمسيۆنيش لايه‌نيگه‌ وه‌رپرس له‌ دياريكردن ئى مه‌سه‌له‌.

 

ئه‌سعه‌د هه‌ميش وت: هه‌ر تومه‌تيگ به‌ڵگه‌يل ئاشكرايگ ئه‌خوازێد ك بايه‌سه‌ له‌ شكايه‌ت فه‌رمى تۆمار بكريه‌ێد و يه‌كێتى نيشتمانى هه‌ق ئه‌وه‌ ديرێد روێ له‌ دادگا بكا ئه‌را به‌رزه‌وكردن شكايه‌ت دژ ئه‌و حزب ولايه‌نه‌يله‌ ك په‌نجه‌ى تومه‌ت ئه‌راى دريژ كردنه‌.