هــــه‌واڵ عــیراق
فه‌رمان له‌سێداره‌داين له‌بان بكوش 16 مه‌ده‌نى له‌ موسڵ ده‌ركريا

فه‌رمان له‌سێداره‌داين له‌بان بكوش 16 مه‌ده‌نى له‌ موسڵ ده‌ركريا


شه‌فه‌ق نيوز/ دادگاى تاوانه‌يل نه‌ينه‌وا فه‌رمان له‌سێداره‌داينن له‌بان يه‌كيگ له‌ تيرۆريسته‌يل ريكخرياگ داعش ده‌ركرد له‌وه‌ر ئه‌وه‌گ 16 كه‌س مه‌ده‌نى كوشتگه‌و سه‌دان مين له‌ موسڵ كاڵيه‌.

 

له‌ى باوه‌ته‌و، عه‌بدولستار به‌يره‌قدار قسه‌كه‌ر فه‌رمى وه‌ناو ئه‌نجومه‌ن باڵاى دادوه‌رى له‌ به‌ياننامه‌يگ ئه‌را شه‌فه‌ق نيوز وت: ده‌سه‌ى يه‌كه‌م دادگاى تاوانه‌يل نه‌ينه‌وا حوكميگ له‌سێداره‌داين دژ يه‌كيگ له‌ تيرۆريسته‌يل سه‌ر وه‌ ريكخرياگ داعش ده‌ركردگه‌.

 

به‌يره‌قدار هه‌ميش وت: ئه‌و تومه‌تباره‌ دگان وه‌ كوشتن 16 كه‌س ناگه‌ ك بارمه‌ته‌ بوينه‌ له‌لاى ريكخرياگ داعش له‌ نه‌خوه‌شخانه‌ى گشتى موسڵ و نزيگه‌ى 250 مينيش له‌ناوچه‌ى به‌رته‌ڵه‌ له‌ قه‌زاى حه‌مدانيه‌ له‌چاڵ ناگه‌ ك ئيسه‌يش وه‌ گووره‌ى مادده‌ى 4/1 له‌ ياساى دژه‌ تيرۆر شماره‌ 13ى ساڵ 2005 فه‌رمان له‌سێداره‌داينن ئه‌راى ده‌رچيه‌.