هــــه‌واڵ كــوردى
ئيران لويله‌ى غاز له‌ ماڵه‌يل قه‌زايگ له‌ هه‌رێم كوردستان دامه‌زرنێد

ئيران لويله‌ى غاز له‌ ماڵه‌يل قه‌زايگ له‌ هه‌رێم كوردستان دامه‌زرنێد


شه‌فه‌ق نيوز/ برياره‌ ئيران لويله‌ى غاز ئه‌را ناو ماڵه‌يل قه‌زاى چۆمان له‌ هه‌رێم كوردستان بكيشێد و له‌ى  باوه‌تيشه‌و قه‌يمقام قه‌زاگه‌ وت: ئيران قه‌وڵ جواودانه‌وه‌ى گشت داواكاريه‌يل شاند پاريزگاى هه‌ولێر داگه‌ ك سه‌ردان ئه‌و وڵاته‌ كردنه‌.

 

ئه‌حمه‌د قادر قايمقام قه‌زاى چۆمان له‌ لێدوانيگ رووژنامه‌گه‌رى وت: شاند پاريزگاى هه‌ولێر له‌ سه‌ردانى ئه‌را ئيران دانيشتنيگ وه‌ل پاريزگار ئازه‌ربايجان خوه‌رئاوا ساز كردگه‌ و له‌تى باس له‌ په‌يوه‌نديه‌يل دولايه‌نه‌و مه‌سه‌له‌ى جموجويل ئاڵشت وئوڵوشت بازرگانى كردنه‌ وه‌تايبه‌ت ئه‌و كيشه‌و گرفته‌يله‌ ك ئه‌يه‌نه‌ وه‌رده‌م كار ل ده‌روازه‌ى حاجى عومران.

 

جى باسه‌، قادر هه‌ميش وت: شاند پاريزگاى هه‌ولێر له‌ دانيشتنى وه‌ل وه‌رپرسه‌يل ئيرانى داواى دامه‌زرانن لويله‌ى غاز له‌ ئيران كردنه‌ ئه‌را ناحيه‌ى حاجى عومران و قه‌زاى چۆمان و لايه‌ن ئيرانييش ره‌زامه‌نى له‌بان ئه‌و داواكاريه‌ نيشان داگه‌.