هــــه‌واڵ عــیراق
به‌رقيه‌يگ نهێنى ئه‌مريكى راێ حه‌مه‌د بن خليفه‌ له‌باره‌ى عراق وتاڵه‌بانى ئاشكرا كرد

به‌رقيه‌يگ نهێنى ئه‌مريكى راێ حه‌مه‌د بن خليفه‌ له‌باره‌ى عراق وتاڵه‌بانى ئاشكرا كرد


شه‌فه‌ق نيوز/ له‌ باره‌ێ ئاشكراكردن ناوه‌ڕووك به‌رقيه‌يل نهێنى ك دبلۆماسيه‌يل ئه‌مريكى له‌باوه‌ت قه‌ته‌ر نويسانه‌سه‌ێ وه‌ بوونه‌ێ په‌يوه‌نديه‌يل وه‌ل وڵاته‌يل عره‌بى و هاوساو هه‌رێمى و ئسرائيل، يه‌كيگ له‌و به‌رقيه‌يل ئه‌مريكيه‌ راى حه‌مه‌د بن خه‌ليفه‌ ئال دويه‌م مير وه‌رين قه‌ته‌ر ئاشكرا كرد.

 

مير وه‌رين قه‌ته‌ر له‌و به‌رقيه‌ له‌ ساڵ 2008 باس له‌ بارودوخ عراق كردگه‌و قسه‌يش وه‌ عراق و سه‌ركرده‌يلى كردگه‌و وتگه‌: مامڵه‌كردن وه‌ل عراقيه‌يل سه‌خته‌ و نه‌بايه‌د متمانه‌ وه‌پيان بكريه‌يد و له‌ هه‌مان وه‌خت جه‌لال تاڵه‌بانى سه‌رۆك كۆمار ئه‌و وه‌ختيشه‌ وه‌ ئه‌وه‌ تاريف كردگه‌ ك سه‌ركرده‌يگ قايم نيه‌.

 

جى باسه‌، حه‌مه‌د باس له‌وه‌يش كردگه‌ ك عراقيه‌يل مامڵه‌كردن وه‌ليانا سه‌خته‌و نه‌بايه‌د متمانه‌يش وه‌پيان بكريه‌ێد و باس له‌وه‌يش كردگه‌ ك ئاژاوه‌يش دروس ئه‌دێ له‌ عراق له‌شوون ده‌رچگن هيزه‌يل ئه‌مريكى.