هــــه‌واڵ عــیراق
وێنه‌.. "سوات له‌ كورد" هه‌ڵمه‌تيگ له‌ كويچه‌يل كه‌ركوك ئه‌نجامدا

وێنه‌.. "سوات له‌ كورد" هه‌ڵمه‌تيگ له‌ كويچه‌يل كه‌ركوك ئه‌نجامدا


شه‌فه‌ق نيوز/ هيزه‌يل سوات كه‌ركوك ك گشت كارمه‌نده‌يلێ كوردن، دويه‌شه‌و له‌ زوورم كويچه‌يل ناو شار كه‌ركوك بڵاو بوينه‌وه‌ ئه‌را مقه‌يه‌تيكردن شاره‌گه‌و ده‌سكردنه‌ هه‌ڵمه‌ت ده‌سگيركردن تومه‌تبار و دز و جه‌رده‌يل.

 

وه‌ گووره‌ى زانياريه‌يل، مه‌ردمانيگ باوه‌ڕيان ئه‌وه‌ بويه‌ بڵاوبوينه‌وه‌ى ئه‌و هيزه‌ شايه‌ت له‌وه‌ر ريخوشكردن بويه‌ ئه‌را سه‌ردان حه‌يده‌ر عه‌بادى سه‌رۆك حكومه‌ت عراقى، وه‌لێ ئه‌و هيزه‌ شه‌و ديره‌وه‌ختيگ بڵاوه‌ وه‌پيان كرياگه‌و دوياخريش گله‌وخواردنه‌ ئه‌را شوونه‌يل وه‌رينيان.

 

جى باسه‌، "سوات كه‌ركوك" هيزيگه‌ سه‌ر وه‌ وزاره‌ت ناوخوه‌يى و هيزيگ ته‌مام و مه‌شقدرياگه‌ له‌لايه‌ن هيزه‌يل هاوپه‌يمان ناوده‌وڵه‌تى و وه‌رجه‌ رويداگ 16 ئوكتۆبه‌ر ساڵ گوزه‌يشت هانه‌ كه‌ركوك و ئامانج له‌ جيگيربوينيان له‌ورا له‌وه‌ر كووتاييهاوردن وه‌ دياره‌ى سه‌ياره‌يل جام سيه‌ و نه‌هيشتن دياره‌ى هه‌ڵگرتن چه‌ك وه‌ ناياسايى بوێ.