هــــه‌واڵ عــیراق
مالكى روێداگه‌يل ئيران وه‌ كاروباريگ ناوخوه‌يى تاريف كرد

مالكى روێداگه‌يل ئيران وه‌ كاروباريگ ناوخوه‌يى تاريف كرد


شه‌فه‌ق نيوز/ نورى مالكى جيگر سه‌رۆك كۆمار، ئه‌و خوه‌ينيشانداينه‌يله‌ ك له‌ئيران روێدانه‌ وه‌ كاروباريگ ناوخوه‌يى تاريف كرد و هه‌ر ده‌خاڵه‌تيگ ده‌ره‌كييش له‌ى باوه‌ته‌و ره‌ته‌و كرد.

 

مالكى له‌ جواودانه‌وه‌ى پرسيار رووژنامه‌نويسه‌يل وت: ئه‌وه‌گ له‌ كۆمار ئسلامى ئيران روێ ئه‌ياد كاروباريگ ناوخوه‌ييه‌ ك هه‌رچه‌نى دوشمنه‌يل ئيرانيش هه‌وڵ دروسكردن ئاشووگه‌رى و ئاژاوه‌گه‌رى ئه‌يه‌ن له‌ناو ئه‌و وڵاته‌.

 

جى باسه‌، مالكى داواى ئارامى و له‌وه‌رگرتن ڕى و شوونه‌يل گونجياگيش كرد له‌ به‌رژه‌وه‌ندى ملله‌ت ئيرانى و باس له‌وه‌يش كرد ك گشت ئه‌و پلانه‌يله‌ دژ شيوانن شيرازه‌ى ملله‌ت و سه‌ركردايه‌ى ئيرانى شكه‌ست ئه‌يه‌رن و دوشمنه‌يل ئيران له‌ پلانه‌يليان سه‌رناكه‌فن.