هــــه‌واڵ كــوردى
روسيا ستايش كوردستان كرد و خوازياريشه‌ په‌يوه‌نديه‌يلى وه‌ليا بته‌وتر بكا

روسيا ستايش كوردستان كرد و خوازياريشه‌ په‌يوه‌نديه‌يلى وه‌ليا بته‌وتر بكا


شه‌فه‌ق نيوز/ نێچيروان بارزانى سه‌رۆك وه‌زيره‌يل هه‌رێم كوردستان, پيروزبايى له‌ ئۆلينگ فلاديمير وفيتش ليفين كرد وه‌ بوونه‌ى وه‌رگرتن ئه‌رك پۆسته‌گه‌ى جوور باڵيۆز تازه‌ى كۆمار روسياى ئتحادى له‌ هه‌رێم كوردستان و ئوميد سه‌ركه‌فتن له‌ جيوه‌جيكردن ئه‌ركه‌گه‌ى ئه‌راى خواست.

 

بارزانى خوه‌شاڵى ئاماده‌گى حكومه‌ت هه‌رێم كوردستان ده‌رخست ئه‌را زياتر بته‌وكردن په‌يوه‌نديه‌يل وه‌ل روسيا وه‌تايبه‌ت له‌ بوار كشتوكاڵى و كاره‌باو گه‌شتيارى و كورته‌يگيش له‌باره‌ى بارودوخ سياسى له‌ هه‌رێم كوردستان و هه‌وڵه‌يل ئه‌را دامه‌زرانن كابينه‌ى تازه‌ى حكومه‌ت باسكرد.

 

لاى خوه‌يه‌و، باڵيۆز گشتى روسيايش له‌ هه‌رێم كوردستان جه‌خت له‌بان په‌ره‌دان زياتر وه‌ په‌يوه‌نديه‌يل دولايه‌نه‌ كرد له‌گشت بواره‌يل و له‌ هه‌مان وه‌خت رۆڵ پێشمه‌رگه‌و حكومه‌ت و ملله‌ت هه‌رێم كوردستانيش له‌ جه‌نگ داعش و شكه‌ه‌ستهاوردن وه‌ په‌لاماره‌يل و هه‌ڕه‌شه‌ له‌ تيرۆر و له‌خوه‌يگرتن شماره‌ى فريه‌يگ له‌ ئاواره‌و په‌نابه‌ره‌يل به‌رز نرخان.