هــــه‌واڵ عــیراق
وه‌جبه‌ێ يه‌كه‌م شوقه‌يل "جه‌واهر دجله‌" له‌ به‌غدا ره‌سيه‌ دابه‌شكردن

وه‌جبه‌ێ يه‌كه‌م شوقه‌يل "جه‌واهر دجله‌" له‌ به‌غدا ره‌سيه‌ دابه‌شكردن


شه‌فه‌ق نيوز/ ده‌سه‌ێ وه‌به‌رهاوردن به‌غدا، ئاشكراى ئه‌وه‌ كرد ك مانگ ئاينده‌ وه‌جبه‌ێ يه‌كه‌م له‌ يه‌كه‌يل نيشته‌جيكردن پرووژه‌ى "جه‌واهر دجله‌" له‌ ناوچه‌ێ كازميه‌ دابه‌ش ئه‌كريه‌ێد.

 

له‌ى باوه‌ته‌و، شاكر زاملى سه‌رۆك ده‌سه‌گه‌ له‌ لێدوانيگ ك شه‌فه‌ق نيوز ئاگادارى بوى وت: پرووژه‌ى كۆمه‌ڵگه‌ى نيشته‌جيكردن جه‌واهر دجله‌ له‌ ناوچه‌ى كازميه‌ى پيرووز يه‌كيگه‌ له‌ پرووژه‌يل وه‌به‌رهاوردن گرينگ له‌ بوار كه‌رت نيشته‌جيكردن، ك روێوه‌ره‌گه‌ى 54 دۆنمه‌و وه‌ بڕ 240 مليۆن دۆلار ته‌مام ئه‌دێ.

 

جى باسه‌، زاملى هه‌ميش وت: ئى پرووژه‌ پيكهاتگه‌ له‌ 984 يه‌كه‌ێ نيشته‌جى و سێ جوور له‌ بنايه‌ ك هه‌ر يه‌كيگ له‌ليان 11 نهۆم گرته‌سه‌ خوه‌ێ و روێوه‌ر شوقه‌يله‌گه‌يش ها ناونى (110، 130، 160، 204) م2 ئه‌را هه‌ر شوقه‌يگ.