هــــه‌واڵ عــیراق
يه‌كێتى ئۆرپا له‌باره‌ى خوه‌ينيشانداينه‌يل به‌سره‌ هاته‌ ده‌نگ

يه‌كێتى ئۆرپا له‌باره‌ى خوه‌ينيشانداينه‌يل به‌سره‌ هاته‌ ده‌نگ


شه‌فه‌ق نيوز/ يه‌كێتى ئۆرپا وت: به‌رزه‌وبوين تون وتيژى له‌ خوه‌ينيشانداينه‌يل له‌ شار به‌سره‌ له‌ عراق جه‌خت له‌ هه‌وه‌جه‌يل فريه‌ ئه‌كا ئه‌را دامه‌زرانن حكومه‌ت تازه‌ى نوێنه‌رايه‌تى ك جواو داواكاريه‌يل ملله‌ت عراق بيه‌ێده‌و.

 

يه‌كێتى ئۆرپا له‌ به‌ياننامه‌يگ ك شه‌فه‌ق نيوز ئاگادارى بوى، داوا له‌ هيزه‌يل ئه‌منى عراقى كرد وه‌ ئارامى فريه‌يگ مامڵه‌ وه‌ل خوه‌ينيشانده‌ره‌يل بكاو باس له‌وه‌يش كرد ك يه‌كێتيه‌گه‌ ئوميده‌واره‌ وه‌ نزيكترين وه‌خت حكومه‌ت تازه‌ دامه‌زريه‌ێد و مامڵه‌ى خاسيگ وه‌ل سه‌ختى و قه‌يرانه‌يل عراق بكا.

 

جى باسه‌، به‌ياننامه‌گه‌ هه‌ميش وت: يه‌كێتى ئۆرپا جوور شه‌ريك و پشتگير وه‌هيزيگ ئه‌را عراق مينێد و له‌وانه‌يش قه‌وڵ 400 مليۆن يۆرۆ له‌ كۆنگره‌ى ناوده‌وڵه‌تى كوه‌يت ئه‌را ئاوه‌دانكردنه‌وه‌ى عراق و ئه‌رك يه‌كێتيه‌گه‌ ئه‌وه‌سه‌ ده‌سميه‌تكار بدێ له‌ خاسسازى كه‌رت ئاسايش مه‌ده‌نى و ئاماژه‌ وه‌يه‌يش كرد ك كار وه‌ل حكومه‌ت تازه‌يش ئه‌كا ئه‌را پشتگيرى سه‌قامگيرى و ئاسايش و ديموكراسى.