هــــه‌واڵ كــوردى
دو ليژنه‌ له‌ په‌له‌رمان كوردستان له‌وه‌ر ياساى مووچه‌يل دانيشتنيگ ساز كردن

دو ليژنه‌ له‌ په‌له‌رمان كوردستان له‌وه‌ر ياساى مووچه‌يل دانيشتنيگ ساز كردن


شه‌فه‌ق نيوز/ هه‌ردوگ ليژنه‌ى ياسايى و دارايى له‌ په‌رله‌مان هه‌رێم كوردستان، دانيشتنيگ ئه‌را گگفتگوو له‌باره‌ى پرووژه‌ ياساى خاسسازى له‌ خانه‌نشينى و مووچه‌يل و ده‌رماڵه‌ ساز كردن.

 

سه‌رچه‌وه‌يگ په‌رله‌مانى ئه‌را شه‌فه‌ق نيوز وت: هه‌ردوگ ليژنه‌گه‌ ده‌سكردنه‌سه‌ دانيشتن وه‌ ئاماده‌بوين گشت ئه‌ندامه‌يليان له‌ فراكسيۆنه‌يل جياجيا و رينمايه‌يل ئه‌و دانيشتنه‌ به‌رزه‌و ئه‌كريه‌ێد ئه‌را ده‌سه‌ى سه‌رۆكايه‌تى په‌رله‌مان له‌باره‌ى راسه‌وكردن پرووژه‌ ياساگه‌ له‌وه‌ر ئه‌وه‌گ له‌ دانيشتن چوارشه‌ممه‌ى ئاينده‌ ده‌نگ له‌بانى بدريه‌ێد.

 

جى باسه‌، بڕياريشه‌ په‌رله‌مان دانيشتنيگ تر له‌شوون دانيشتنه‌گه‌ى چوارشه‌ممه‌ ئه‌نجام بيه‌ێد له‌وه‌ر تاوتوێكردن پرووژه‌ ياساى ناوبرياى بيجگه‌ دوسيه‌ى ئاو خواردن له‌ شاره‌يل هه‌رێم و دوسيه‌ى گومرگه‌يل له‌بان سه‌وزى و ميوه‌جات.