هــــه‌واڵ كــوردى
سنجارى: ناوخوه‌يى كوردستان ئه‌دێده‌ سيستم ئه‌ڵكترۆنى له‌ى ماوه‌

سنجارى: ناوخوه‌يى كوردستان ئه‌دێده‌ سيستم ئه‌ڵكترۆنى له‌ى ماوه‌


شه‌فه‌ق نيوز/ كه‌ريم سنجارى وه‌زير ناوخوه‌يى له‌ حكومه‌ت هه‌رێم كوردستان، ئاشكراى ئه‌وه‌ كرد ك ده‌زگايه‌يل وزاره‌ته‌گه‌ى ئاڵشت ئه‌كريه‌ن ئه‌را سيستميگ ئه‌لكترۆنى له‌ جيوه‌جيكردن گشت كاره‌يل و ئه‌و وه‌رپرسيارێتيه‌ ك وه‌پيان درياگه‌ له‌ ماوه‌ى چوار ساڵ تر ئاينده‌.

 

سنجارى له‌ وته‌يگى باس له‌وه‌ كرد و وت: ئيمه‌ له‌ وزاره‌ته‌گه‌ ده‌س كرديمنه‌سه‌ پشتبه‌سانن وه‌ ستراتيجيه‌تيگ تازه‌ ئه‌را دامه‌زرانن سيستم ئه‌لكترۆنى له‌ ده‌زگايه‌يل وزاره‌ته‌گه‌و يه‌يش ده‌رخست ك گام يه‌كه‌م ده‌س وه‌پيكرياگه‌ له‌ى بواره‌و وه‌تايبه‌ت له‌ ده‌زگايه‌يل هاتوچوو گشتى.

 

جى باسه‌، ناوبرياگ هه‌ميش وت: وزاره‌ته‌گه‌ پشت وه‌ سيستم ئه‌لكترۆنى ئه‌وه‌سێد و كووتايى وه‌ نويسانن وه‌ره‌قى ئه‌يه‌رێد له‌ ماوه‌ى چوار ساڵ تر ئاينده‌ ك يه‌يش وه‌ قانجاز داراييه‌ ئه‌را حكومه‌ت و له‌ رۆتين و گه‌ناته‌كارى دارايى و ئدارى كه‌مه‌و ئه‌كا.