هــــه‌واڵ عــیراق
جه‌نگ ومرافه كه‌فته‌ ناونى ژنه‌ داعشيه‌يل عراقى وسوورى و بيگانه‌

جه‌نگ ومرافه كه‌فته‌ ناونى ژنه‌ داعشيه‌يل عراقى وسوورى و بيگانه‌


شه‌فه‌ق نيوز/ دياره‌ دويا رووژه‌يل له‌ ده‌وڵه‌ت خلافه‌ت رمياێ كاريگه‌رى فريه‌يگ نه‌يرێد له‌بان ژنه‌ داعشيه‌يل له‌وانه‌گ له‌ى دوياخره‌ له‌ باغۆز له‌ باكوور خوه‌رهه‌ڵات سوريا ده‌رچينه‌ وه‌ره‌و ئه‌و كه‌مپه‌يله‌ ك له‌لايه‌ن هيزه‌يل سورياى ديموكرات دامه‌زريانه‌.

 

له‌ چه‌ن گرتيگ وێنه‌گرياێ، ئه‌و ژنه‌يل دڕنده‌ دروشم داعش دوباره‌وه‌ ئه‌كه‌ن و ئويشن داعش مه‌ندنگه‌ و باسيش له‌ په‌روه‌رده‌كردن مێردمناڵه‌يل بويچگ ئه‌كه‌ن، وه‌لێ ئيجاره‌ ژنه‌ داعشه‌يل بيگانه‌ په‌لامار ژنه‌ داعشه‌يل سوورى و عراقى ئه‌يه‌ن.

 

له‌ى باوه‌ته‌و، روێته‌رز وت: بڕيگ له‌ ژنه‌ داعشيه‌يل بيگانه‌ هه‌وڵ ئه‌وه‌ دانه‌ ده‌سدريژى بكه‌نه‌ بان ژنه‌ داعشه‌يل تر ك وه‌ كافر ناويان ئه‌وه‌ن له‌هه‌وڵيگ ئه‌را چه‌سپانن هويروڕا له‌بانيان هه‌رچه‌نى ريكخرياگ داعش روێ له‌ واين كردگه‌.

 

لاى خوه‌يه‌و، وه‌رپرسيگ ئه‌منى باس له‌وه‌ كرد ژنه‌ داعشيه‌يل بيگانه‌ له‌ناو كه‌مپ ئه‌لهۆل وه‌ كوچگ وه‌شكيانه‌سه‌ ژنه‌ داعشيه‌يل تر عراقى وسوورى و خراو وه‌پيان ئه‌يه‌ن و ته‌نانه‌ت مناڵه‌يليش روێ وه‌ڕوێ هه‌ڕه‌شه‌ بوينه‌سه‌وه‌و ته‌نانه‌ت كاره‌گه‌ ره‌سيه‌سه‌ ئه‌وه‌ بڕيگ له‌ پاسه‌وانه‌يل ته‌قه‌ بكه‌ن ئه‌را ئه‌وه‌گ ئه‌و جه‌نگ و مرافه‌يل ناونى ژنه‌ داعشيه‌يله‌ بووسننه‌و.