هــــه‌واڵ عــیراق
"ئنقاز كه‌ركوك" هه‌ڕه‌شه‌ى خوه‌يننيشانداين ئه‌كا

"ئنقاز كه‌ركوك" هه‌ڕه‌شه‌ى خوه‌يننيشانداين ئه‌كا


شه‌فه‌ق نيوز/ به‌ره‌ى "ئنقاز كه‌ركوك" عراقى، هه‌ڕه‌شه‌ى ريكخستن خوه‌ينيشانداين كرد له‌ حاڵه‌تيگ ئه‌گه‌ر چاره‌سه‌ر ئه‌را مه‌سه‌له‌ى بڕيان وزه‌ى كاره‌با و خراوى خزمه‌تگوزارى وه‌دى نه‌كريه‌ێد.

 

له‌ى باوه‌ته‌و، عه‌مار كه‌هيه‌ ئه‌ندام به‌ره‌ى ئنقاز كه‌ركوك ئه‌را رووژنامه‌نويسه‌يل وت: ئه‌گه‌ر چاره‌سه‌ر كه‌مى و بڕيانن كاره‌با و حزمه‌تگوزارى نه‌كريه‌ێد له‌ كه‌ركوك، ده‌س ئه‌كه‌يمنه‌ خوه‌ينيشانداين جوور ئه‌وه‌گ له‌ باشوور عراق ئه‌نجام ئه‌دريه‌ێد وه‌بى دياريكردن وه‌خت.

 

جى باسه‌، به‌ره‌ى ناوبرياێ له‌ مانگ گوزه‌يشت دامه‌زريا، ك بريگ كانديديش داشت و سه‌رنه‌كه‌فتن له‌ هه‌ڵوژاردنه‌يل په‌رله‌مان ئى دوياخره‌و داواى شماردنه‌وه‌ى ده‌سى ده‌نگه‌يل گشت سه‌ندووقه‌يل كه‌ركوك كردن نه‌ك ته‌نيا ئه‌و سه‌ندووقه‌يله‌ تانه‌و سكاڵا له‌بانيان بويه‌.