هــــه‌واڵ عــیراق
فه‌رمانده‌يى به‌غدا مقه‌يه‌تيكردن ئه‌مباره‌يل سزياێ كۆمسيۆن ناگرێده‌ خوه‌ى

فه‌رمانده‌يى به‌غدا مقه‌يه‌تيكردن ئه‌مباره‌يل سزياێ كۆمسيۆن ناگرێده‌ خوه‌ى


شه‌فه‌ق نيوز/ فه‌رمانده‌يى به‌غدا وه‌رپرسيارێتى مقه‌يه‌تيكردن ده‌نگه‌يل ناو ئه‌مباره‌يل سزياێ هه‌ڵوژاردن ناگرێده‌ خوه‌ى ك تويش سزيان هات له‌ ديم رسافه‌ له‌ به‌غدا.

 

فه‌رمانده‌يى به‌غدا له‌ به‌ياننامه‌يگ ك شه‌فه‌ق نيوز ئاگادارى بوى، وت: ئاگر له‌ ناو ئه‌مبارخانه‌ى تايبه‌ت وه‌ كۆمسيۆن باڵاى سه‌روه‌خوه‌ى هه‌ڵوژاردنه‌يل كه‌فته‌سه‌و له‌ناوچه‌ى گه‌يلانى نزيك له‌ مه‌قام سه‌يد حه‌مدوڵڵا و تيمه‌يل وه‌رگرى شارستانى زاڵ له‌بان كوشاننه‌وه‌ى بوينه‌ وه‌ هه‌وڵ هيزه‌يل ئه‌منى.

 

به‌ياننامه‌گه‌ يه‌يش ده‌رخست ك وه‌رپرسيارێتى هيزه‌يل ئه‌منى ته‌نيا مقه‌يه‌تيكردن ده‌يشت ديواره‌يل ئه‌مبارخانه‌گه‌ى كۆمسيۆن بويه‌و هويچ كاريگ وه‌ناو ئه‌مبارخانه‌گه‌وه‌ نه‌يرێد ك له‌ تايبه‌تمه‌ندى كۆمسيۆنه‌.