هــــه‌واڵ عــیراق
توركيا ناوچه‌يگ عراقى گرته‌سه‌ ئامانج: ئه‌كه‌يمنه‌ى شوونيگ ئارام

توركيا ناوچه‌يگ عراقى گرته‌سه‌ ئامانج: ئه‌كه‌يمنه‌ى شوونيگ ئارام


شه‌فه‌ق نيوز/ سلێمان سوێلۆ وه‌زير ناوخوه‌يى توركى، جه‌خت له‌وه‌ كرد هيزه‌يل وڵاته‌گه‌ى پيشڕه‌وى سه‌ربازى كردنه‌ له‌ ناوچه‌يليگ له‌ناو مه‌رزه‌يلى عراقى.

 

ئه‌نادۆڵ توركى له‌ زووان سوێلۆ ك شه‌فه‌ق نيوز ئاگادارى بوێ، وت: كويه‌ى قه‌نديل له‌ باكوور عراق ئه‌كه‌يمنه‌ شوون ئارام وه‌ نسبه‌ت ئه‌را توركيا.

 

وه‌زير ناوخوه‌يى توركى هه‌ميش وت: كويه‌ى قه‌نديل ئامانجيگ دوير له‌ مه‌رام نيه‌ وه‌نسبه‌ت ئه‌را ئيمه‌، ئاماژه‌ى وه‌يه‌يش كرد ك هيزه‌يليان پيشڕه‌وى گه‌ورايگ له‌ ناوچه‌ى هاكۆرك كردنه‌.

 

جى باسه‌، يه‌يش له‌ وه‌ختيگه‌ دويه‌كه‌ سۆران ئحسان چه‌له‌بى وه‌ڕيه‌وبه‌ر ناحيه‌ى سيده‌كان وت: هيزه‌يل توركى ك هاتنه‌سه‌ ناو ئاوايى (برمێزه) خوه‌يان كيشانه‌سه‌وه‌و چينه‌ وه‌ره‌و بنگه‌يليان.