هــــه‌واڵ عــیراق
قافڵه‌ێ چه‌كداره‌يل داعش ره‌سيه‌ دێرئه‌لزوور

قافڵه‌ێ چه‌كداره‌يل داعش ره‌سيه‌ دێرئه‌لزوور


شه‌فه‌ق نيوز/ وه‌رپرسيگ له‌ هيزه‌يل هاوپه‌يمان سوورێ ئاشكراێ ئه‌وه‌ كرد ك قافڵه‌ێ چه‌كداره‌يل ريكخرياگ ترۆريستى داعش ك زويتر له‌بان مه‌رز سوريا و لوبنان بويه‌ ره‌سيه‌سه‌ دێرئه‌لزوور.

 

له‌ى باوه‌ته‌و، ئاژانس روێته‌رز له‌ زووان ئه‌و وه‌رپرسه‌ ك نه‌تواس ناوێ ئاشكرا بكا وت: قافڵه‌ێ دويه‌كه‌ێ چه‌كداره‌يل داعش ره‌سيه‌سه‌ دێرئه‌لزوور له‌بان ئه‌و شيوه‌ ريككه‌فتنه‌ ك ئه‌نجام درياگه‌ له‌ناونى حزبوڵڵاێ لوبنانى و سوريا و ريكخرياگ داعش.

 

جى باسه‌، ئى ريككه‌فتنيشه‌ زويتر ئه‌نجام گرت له‌ ناونى لايه‌نه‌يل ناوبرياێ و له‌وه‌ر ئازادكردن زيندانيه‌يل حزبوڵڵا و هاوردنه‌وه‌ێ ته‌رمه‌يل ك له‌ساڵ 2014 ريكخرياگ له‌لايه‌ن داعشه‌و گيريانه‌و كوشيانه‌.