هــــه‌واڵ عــیراق
تاوانيگ ده‌رهه‌ق خيزان پزيشكيگ مه‌سيحى له‌ به‌غدا ئه‌نجام دريا

تاوانيگ ده‌رهه‌ق خيزان پزيشكيگ مه‌سيحى له‌ به‌غدا ئه‌نجام دريا


شه‌فه‌ق نيوز/ چه‌وديره‌يل چه‌ودير ئاشورى ئه‌را مافه‌يل ئاده‌ميزاد له‌ عراق، ئاشكراى كوشيان خيزانيگ مه‌سيحى كردن ك پيكهاتنه‌ له‌ سێ كه‌س(پياويگ و دو ئافره‌ت)له‌ ناوچه‌ى ئه‌لمه‌شته‌ل له‌به‌غداى پايته‌خت.

 

چه‌وديره‌يل له‌ به‌ياننامه‌يگ ئه‌را شه‌فه‌ق نيوز وتن: ته‌رم هه‌ر يه‌ك له‌ هوشام شه‌فيق مه‌سكونى پزيشك مه‌سيحى و شه‌زا مالك هاوسه‌رى و خه‌يريه‌ داود داڵگى له‌ناو ماڵه‌گه‌يان له‌ ناوچه‌ى ئه‌لمه‌شته‌ل له‌ خوه‌رهه‌ڵات به‌غداى پايته‌خت دوينريانسه‌و ك له‌لايه‌ن كه‌سه‌يليگ نه‌ناسرياگه‌و كوشيانه‌ دوياى تاڵانكردن و دزين چشته‌يليگ گرانقيمه‌ت له‌ناو ماڵه‌گه‌يان.

 

جى باسه‌، چه‌وديره‌يل له‌و به‌ياننامه داوايش له‌ حكومه‌ت عراقى كردنه‌ مه‌رزيگ ئه‌را يچنه‌ تاوانه‌يليگ دابنه‌ێد ك ده‌رهه‌ق وه‌ هاووڵاتيه‌يل بيتاوان مه‌سيحى ئه‌نجام ئه‌دريه‌ێد.