هــــه‌واڵ عــیراق
هووزه‌يل فه‌لوجه‌ نواگيرى له‌ گله‌وخواردن خيزانه‌يل سه‌ر وه‌ داعش ئه‌كه‌ن

هووزه‌يل فه‌لوجه‌ نواگيرى له‌ گله‌وخواردن خيزانه‌يل سه‌ر وه‌ داعش ئه‌كه‌ن


شه‌فه‌ق نيوز/ چه‌ودێر عراقى ئه‌را مافه‌يل ئاده‌ميزاد، ئاشكراێ ئه‌وه‌ كرد ك شماره‌ێ فريه‌يگ له‌و خيزانه‌يله‌ ك ساڵ گوزه‌يشت كووچ كردنه‌ له‌ شار فه‌لوجه‌ ناوانن گله‌و بخوه‌ن ئه‌را ناوچه‌يل ره‌سه‌ن خوه‌يان ك هه‌رچه‌نى ئه‌را ماوه‌ێ ساڵێگيشه‌ ئازاد كرياگه‌، وه‌لێ ناكووكى هووزايه‌تى و توڵه‌سه‌ندن قه‌يه‌غه‌ێ هاتنه‌وه‌يان ئه‌كا.

 

چه‌وديره‌گه‌ وت: وه‌رده‌وامى مه‌ندنه‌وه‌ى بڕيگ له‌ خيزانه‌يل له‌ناو كه‌مپه‌يل شايه‌ت ده‌رفه‌ت له‌وه‌رده‌م تونڕه‌وه‌يل واز بكا ئه‌را لايه‌نگرێ يه‌كترێ و دوباره‌ داناين پلان.

 

جى باسه‌، چه‌وديره‌گه‌ هه‌ميش وت: په‌يوه‌سبوين بڕيگ له‌ خيزانه‌يل وه‌ مه‌سه‌له‌ێ قه‌ومايه‌تى وه‌ چه‌كداره‌يل ريكخرياگ ترۆريستى داعشه‌و بويه‌سه‌ هووكار ئه‌وه‌گ هووزه‌يليگ نواگيرى له‌ گله‌وخواردن سه‌دان خيزان بكه‌ن ئه‌را شوونه‌يل خوه‌يان و مه‌ندنه‌وه‌يان له‌ناو كه‌مپ كووچبه‌ره‌يل.