هــــه‌واڵ كــوردى
ئه‌نداميگ وه‌رپرسيارێتى خنكيان 14 په‌نابه‌ر خسته‌ بان به‌غدا

ئه‌نداميگ وه‌رپرسيارێتى خنكيان 14 په‌نابه‌ر خسته‌ بان به‌غدا


شه‌فه‌ق نيوز/ وه‌سفيه‌ شێخۆ ئه‌ندام ئه‌نجومه‌ن نوێنه‌ره‌يل عراقى له‌بان پارت ديموكمرات كوردستان، باس له‌وه‌ كرد ك حكومه‌ت عراقى وه‌رپرسه‌ له‌ خنكيان 14 كه‌س له‌ناونيان مناڵه‌يل له‌ ده‌رياى ئيجه‌ له‌وه‌خت هه‌وڵداينيان ئه‌را ئه‌وه‌ك بڕه‌سنه‌ ئۆرپا.

 

شێخۆ له‌باسيگ ئه‌را شه‌فه‌ق نيوز وت: كاره‌سات خنكيان دو خيزان و مناڵه‌يل له‌ ده‌رياچه‌ى ئيجه‌ بويه‌ شۆك و ژانيگ ئه‌رامان و يه‌يش دوباره‌بوينه‌وه‌ى ئه‌و ژانه‌سه‌ ك روێدا له‌ خنكيان ئايلان كورد.

 

جى باسه‌، شێخۆ هه‌ميش وت: وه‌رپرسيارێتى ئى كاره‌ساته‌ ئه‌خه‌يمنه‌ بان حكومه‌ت ناوه‌ندى وه‌رين و ئيسه‌يش له‌باره‌ى بارودوخ خراو ئابوورى له‌ هه‌رێم دوياى بڕين بودجه‌گه‌ى و نه‌داين مووچه‌ى كارمه‌نده‌يل هه‌رێم و داوايش له‌ يه‌كێتى ئۆرپايش كرد به‌رنامه‌يليگ ئابوورى دابنه‌ێد ئه‌را دابينكردن ده‌رفه‌ت كار له‌وه‌ر هانداين په‌نابه‌ره‌يل و قه‌ناعه‌ت وه‌پيان بكا واز له‌ فكره‌ى په‌نابه‌رى بارن.