هــــه‌واڵ عــیراق
رافده‌ين مزگانى ئه‌ياده‌ كارمه‌نده‌يل وه‌ڕيه‌وبه‌رايه‌تى په‌روه‌رده‌

رافده‌ين مزگانى ئه‌ياده‌ كارمه‌نده‌يل وه‌ڕيه‌وبه‌رايه‌تى په‌روه‌رده‌


شه‌فه‌ق نيوز/ بانك رافده‌ين، ئاشكراى داين وه‌جبه‌ى تازه‌يگ كرد له‌ سلفه‌ په‌نج مليۆن ديناره‌گه‌ ئه‌را كارمه‌نده‌يل سه‌ر وه‌ وه‌ڕيه‌وبه‌رايه‌تيه‌يل په‌روه‌رده‌ى رسافه‌ى يه‌كه‌م و دويه‌م و كه‌رخ يه‌كه‌م.

 

له‌ى باوه‌ته‌و، نويسينگه‌ى بانك رافده‌ين له‌ به‌ياننامه‌يگ ئه‌را شه‌فه‌ق نيوز وت: وه‌جبه‌ى دويه‌م له‌ سلفه‌ى په‌نج مليۆن ديناره‌گه‌ ده‌سوه‌پيكردگه‌ ئه‌را نزيكه‌ى 3960 كارمه‌ند له‌ وه‌ڕيه‌وبه‌رايه‌تيه‌يل په‌روه‌رده‌ى كه‌رخ يه‌كه‌م و رسافه‌ى يه‌كه‌م و دويه‌م.

 

جى باسه‌، بانكه‌گه‌ يه‌يش ده‌رخست ك داين ئه‌و سلفه‌ له‌ڕێ كارت ئه‌لكترۆنى تايبه‌ت وه‌ كارمه‌نده‌يله‌و دريه‌ێد دوياى ئاگاداركردنى وه‌ نامه‌يگ له‌ڕێ ته‌له‌فۆنه‌گه‌ى ئه‌را وه‌رگرتن ئه‌و بڕه‌ پويله‌.