هــــه‌واڵ عــیراق
مه‌رجه‌عيگ ئايينى قسه‌ وه‌ سياسيه‌يل كۆپى كرياێ كرد

مه‌رجه‌عيگ ئايينى قسه‌ وه‌ سياسيه‌يل كۆپى كرياێ كرد


شه‌فه‌ق نيوز/ جه‌واد خاڵسى مه‌رجه‌ع ئايينى، جه‌خت له‌وه‌ كرد پرووژه‌ى سياسى له‌ عراق پرووژه‌يگ داگيركاريه‌ و هويچ چاره‌سه‌ريگ كيشه‌يل عراقى ناكا، به‌ڵكوو قه‌يران هه‌ر وه‌رده‌وام ئه‌دێ تا وه‌ختيگ ئه‌و پرووژه‌ى ئه‌ياد ك عراقيه‌يل بنياتى ئه‌نه‌ن.

 

خالسى له‌ به‌ياننامه‌يگ ئه‌را شه‌فه‌ق نيوز وت: گشتمان ئاره‌زوومه‌ند بوێمن بڕيگ له‌و سياسيه‌يله‌ ك وتيان: ئيمه‌ شكه‌ست هاورديمه‌و بايه‌سه‌ سياسيه‌يل تر بانه‌ مه‌يدان، بايه‌سه‌ بوێ به‌شدارى هه‌ڵوژاردنه‌يل نه‌كرديان تا بوتايم ئه‌وانه‌ راس بوينه‌ له‌ قسه‌يليان، وه‌لێ ئه‌و سياسيه‌يله‌ هيمان وجوود ديرن و له‌نوو كۆپى كريان و هه‌ر وه‌ روخساره‌ كويه‌نه‌گه‌يان هاتنه‌سه‌و.

 

جى باسه‌، خاڵسى ئامووژگارى ملله‌ت عراقى كرد وه‌ ئه‌وه‌گ خوه‌يان فريه‌ وه‌ ئيچنه‌ كاره‌يليگه‌و خه‌ريك نه‌كه‌ن ك هه‌رچه‌نى چه‌وديريى بكه‌ن، وه‌لێ له‌ هه‌مان وه‌خت نه‌كيشيه‌ن وه‌ره‌و كيشمه‌كيش، چوينگه‌ كيشمه‌كيش ئه‌گه‌ر له‌ناونى ملله‌ت روێدا ئه‌وه‌ بايه‌سه‌ وه‌لاى كه‌مه‌و مه‌ردم مقه‌يه‌ت بوون نه‌كيشيه‌ن وه‌ره‌و خراوتر.