هــــه‌واڵ كــوردى
بارزانى خوازياره‌ "ده‌وڵه‌ت كوردستان" فيدراڵى بدێ

بارزانى خوازياره‌ "ده‌وڵه‌ت كوردستان" فيدراڵى بدێ


شه‌فه‌ق نيوز/ مه‌سعود بارزانێ سه‌رۆك هه‌رێم كوردستان له‌ ديدارێ وه‌ل مامۆستايه‌يل زانكۆ و ئه‌كاديميه‌يل له‌ زانكۆيه‌يل پاريزگاێ هه‌ولێر له‌ هۆڵ سعه‌د عه‌بدوڵڵا، جه‌خت له‌وه‌ كرد ك راپرسێ له‌ واده‌ێ دياريكرياێ خوه‌ێ ئه‌نجام ئه‌گرێد و پيشنيار يه‌يش كرد "ده‌وڵه‌ت كوردستان" فيدراڵى بدێ.

 

بارزانى وت: ئه‌زموونمان وه‌ل عراق له‌ ماوه‌ێ سه‌د ساڵ گوزه‌يشت شكه‌ست بويه‌و نه‌بايه‌د جاريگتر ئه‌و ئه‌زموونه‌يل شكه‌سته‌ دوباره‌وه‌ بكه‌يم و هه‌ر وه‌و خاتريشه‌ بڕيار دايم ئاگادار به‌غدا بكه‌يم مه‌يل ئه‌وه‌ ديرێم بويمنه‌ دو هاوساێ خاس وه‌ل يه‌كترێ.

 

جى باسه‌، بارزانى هه‌ميش وت: باوه‌ت ئيسه‌و گرينگمان مه‌سه‌له‌ێ راپرسيه‌ و پرسياريش له‌بان ئه‌وه‌ ك ئايا له‌وه‌رچه‌ هه‌رێم  25/ 9 هه‌ڵوژارن، له‌ڕاسى بڕيار راپرسێ فريه‌ له‌ى مێژووه‌ كويه‌نتره‌، وه‌لێ دياريكردن ماوه‌گه‌ له‌بان پيشنيار كومسيۆن باڵاێ هه‌وڵوژاردنه‌يل و راپرسێ بويه‌و ئاماده‌بويه‌يليش وه‌ى وه‌ێ بڕياره‌ شانازييگ نيشتمانى ئه‌را خوه‌يان دروس كردن.