هــــه‌واڵ كــوردى
بارزانى: ئه‌وه‌گ له‌ كه‌ركوك روێدا ناسنامه‌ێ ئاڵشت ناكا

بارزانى: ئه‌وه‌گ له‌ كه‌ركوك روێدا ناسنامه‌ێ ئاڵشت ناكا


شه‌فه‌ق نيوز/ مه‌سعود بارزانى سه‌ركرده‌ى پارت ديموكرات كوردستان، باوه‌ڕى ئه‌وه‌سه‌ ك روێداكه‌يل ئى دوياخره‌ ناسناه‌ى كوردستانى كه‌ركوك و ناوچه‌يل ده‌يشت ئداره‌ى هه‌رێم ئاڵشت ناكاو هويچ ياسايگيش راپرسى هه‌ڵنيه‌وه‌شنێده‌وه‌ ك ده‌نگ ملله‌ته‌.

 

بارزانى له‌ دوياى دانيشتنيگ له‌ هه‌وارگه‌ێ سه‌ڵاحه‌دين وه‌ل ئه‌نجومه‌ن سه‌ركردايه‌تى و وه‌رپرسه‌يل و ئه‌ندامه‌يل پارت ديموكرات له‌ گه‌رميان و مه‌رزه‌يل كه‌ركوك وت: ملله‌ت كورد ناشكيه‌ێد ك هه‌رچه‌نى تويش خيانه‌تيش هات و ئه‌وه‌گيش روێدا په‌يوه‌س نيه‌ وه‌ راپرسى، به‌ڵكوو پلانيگ بويه‌ ك زويتر له‌لايه‌ن به‌غداوه‌ ئاماده‌ كرياوێد و ئه‌گه‌ر راپرسييش نه‌كرياتاد ئه‌و جموجويله‌ هه‌ر له‌ كه‌ركوك بايه‌سه‌ ئه‌نجام بگرتياد.

 

جى باسه‌، بارزانى هه‌ميش وت: راپرسى ده‌نگ ملله‌ت ك وه‌ ئاشتيانه‌ دانه‌سه‌ێ و هويچ ياسا و هويچ حكومه‌تيگيش ناتويه‌نن هه‌ڵيوه‌شننه‌و و قوناغ خيانه‌ت و چه‌سپانن مه‌سه‌له‌گه‌ وه‌ هيز و وه‌چه‌ك ناسنامه‌ى كه‌ركوك و شاره‌يل تر كوردستانى ده‌يشت ئداره‌ى هه‌رێم ئاڵشت ناكه‌ن.