هــــه‌واڵ عــیراق
هاوپه‌يمان ناتۆ قه‌وڵيگ دا عراق

هاوپه‌يمان ناتۆ قه‌وڵيگ دا عراق


شه‌فه‌ق نيوز/ ينس ستولتنبرگ ئه‌ميندار گشتى هاوپه‌يمان ناتۆ، ئاشكراى ئه‌وه‌ كرد ك كلكرياگ تازه‌ى ناتۆ ئه‌را مه‌شقداين هيزه‌يل ئه‌منى عراقى به‌شدار ئه‌دێ له‌ كرده‌وه‌يل دژه‌ تيرۆر و گله‌ونه‌خواردنى ئه‌را عراق.

 

ستولتنبرگ ئه‌را رووژنامه‌نويسه‌يل وت: له‌ دانيشتن ناتۆ ك له‌ برۆكسل ساز ئه‌كريه‌ێد له‌ 11 و 12ى ئى مانگه‌ ئى كلرياگه‌ ك بڕياره‌ ئه‌ندامه‌يل ناتۆ په‌سه‌نى بكا جه‌نگكه‌ر نادێ، وه‌لێ ده‌سميه‌ت عراق ئه‌ياد له‌ دوباره‌ ناتنه‌وه‌ى ريكخرياگ داعش و جه‌ماعه‌ته‌يل تر تيرۆريستى.

 

جى باسه‌، ئه‌ميندار گشتى هاوپه‌يمان ناتۆ ئاماژه‌ وه‌يه‌يش كرد كلكرياگ مه‌شقده‌ر له‌ عراق سه‌دان مه‌شقده‌ر هاوپه‌يمانه‌گه‌ ئه‌گريده‌وه‌و ده‌سميه‌تده‌رن له‌ دامه‌زرانن خوه‌ندنگايه‌يل تازه‌ى سه‌ربازێ و زيايكردن توانيايه‌يل پيشه‌يى له‌لاى هيزه‌يل عراقى.