هــــه‌واڵ عــیراق
عزێم داواى ده‌خاڵه‌ت سه‌ربازى ئه‌كا ئه‌را پاكه‌وكردن ناوچه‌يگێ له‌ داعش

عزێم داواى ده‌خاڵه‌ت سه‌ربازى ئه‌كا ئه‌را پاكه‌وكردن ناوچه‌يگێ له‌ داعش


شه‌فه‌ق نيوز/ محه‌مه‌د زه‌يفان سه‌رۆك ئه‌نجومه‌ن ناوچه‌يى ناحيه‌ى عزێم، داواى ده‌خاڵه‌ت و ده‌سميه‌ت سه‌ربازى كرد ئه‌را پاكه‌وكردن ناوچه‌ێ "ئه‌لميته‌" له‌ چه‌كداره‌يل ريكخرياگ ترۆريستى داعش دوياى هاتن فريه‌يگ له‌ليان ئه‌را ئه‌و ناوچه‌.

 

له‌ى باوه‌ته‌و، زه‌يفان له‌ لێدوانيگ ك(شه‌فه‌ق نيوز)ئاگادارى بوى، وت: له‌ى رووژه‌يل دوياخره‌ چالاكى چه‌كداره‌يل ريكخرياگ داعش ده‌س كرده‌سه‌ زيايكردن له‌ ناوچه‌ى ئه‌لميته‌ له‌ ده‌ورگرد ناحيه‌ى عزێم سه‌ر وه‌ قه‌زاى خاڵس له‌ باكوور دياله‌.

 

جى باسه‌، ناوبرياگ هه‌ميش وت: له‌ى رووژه‌يل دوياخره‌ شماره‌يگ له‌ چه‌كداره‌يل داعش له‌ سه‌ڵاحه‌دينه‌و هاتنه‌ وه‌ره‌و ئه‌لميته‌ له‌وه‌ر ئه‌وه‌گ ئى ناوچه‌ خاليه‌و هويچ هيزيگ ئاسايشى له‌تى وجوود نه‌يرێد و بويه‌سه‌ مايه‌ێ نگه‌رانى خه‌ڵك ناوچه‌گه‌.