هــــه‌واڵ عــیراق
هه‌ڵمه‌تيگ ئاسايشى له‌ ناوچه‌يل جياجياێ موسڵ ده‌سوه‌پيكرد

هه‌ڵمه‌تيگ ئاسايشى له‌ ناوچه‌يل جياجياێ موسڵ ده‌سوه‌پيكرد


شه‌فه‌ق نيوز/ سه‌رچه‌وه‌يگ ئاسايشى له‌ شار موسڵ ئاشكراى ئه‌وه‌ كرد ك هيزه‌يل ئاسايشى ده‌سكردنه‌سه‌ ئه‌نجامداين هه‌ڵمه‌تيگ له‌ ناوچه‌يليگ جياجيا له‌ شاره‌گه‌.

 

ئه‌و سه‌رچه‌وه‌ ئه‌را شه‌فه‌ق نيوز وت: هيزه‌يل عراقى له‌ پۆليس ناوه‌ندى ده‌سكردنه‌سه‌ وشكانن ئاوايى ئه‌لبوسه‌يف له‌ ناحيه‌ێ حه‌مام ئه‌لعه‌ليل له‌ باشوور موسڵ.

 

جى باسه‌، سه‌رچه‌وه‌گه‌ هه‌ميش وت: هيزه‌يل تريش جوور تيم 16 و فه‌وج مغاوير سه‌ركردايه‌تى فه‌رمانده‌يى نه‌ينه‌وا ده‌سكردنه‌سه‌ وشكانن يارمچه‌ له‌ ديم وه‌رانوه‌ر ئه‌لبوسه‌يف حه‌ويجه‌ له‌ باشوور خوه‌رهه‌ڵات موسڵ وه‌ پشتگيرى هيزه‌يل ئاسمانى و تانكه‌يل سه‌ر وه‌ هيزه‌يل ئه‌مريكى له‌وه‌ر وجوود چالاكى و جموجويل چه‌كداره‌يل ريكخرياگ ترۆريستى داعش له‌و دو ناوچه‌.