هــــه‌واڵ كــوردى
كانديديگ له‌ دهۆك خوه‌ى له‌ عبادى كيشاوه‌و چيه‌ ناو ليست پارتى

كانديديگ له‌ دهۆك خوه‌ى له‌ عبادى كيشاوه‌و چيه‌ ناو ليست پارتى


شه‌فه‌ق نيوز/ ره‌وشه‌ن عه‌بدولسه‌لام كانديدكرياێ له‌بان ليست ئه‌لنه‌سر وه‌ سه‌رۆكايه‌تى حه‌يده‌ر عبادى سه‌رۆك حكومه‌ت، ئاشكراى خوه‌يكيشانه‌وه‌ كرد له‌ ليسته‌گه‌ له‌ دهۆك و چيه‌ ناو ليست پارت ديموكرات كوردستان وه‌ سه‌رۆكايه‌تى مه‌سعود بارزانى سه‌رۆك پارته‌گه‌.

 

له‌ى باوه‌ته‌و، سه‌لام حه‌ميد ئه‌ندام لق يه‌ك پارت ديموكرات كوردستان له‌ لێدوانيگ ئه‌را ماڵپه‌ڕ پارته‌گه‌ى ك شه‌فه‌ق نيوز ئاگادارى بوى، وت: ئه‌و كانديد هاوپه‌يمانى ئه‌لنه‌سره‌ له‌ دهۆك ك سه‌ر وه‌ حه‌يده‌ر عبادى سه‌رۆك حكومه‌ته‌ ئاشكراى خوه‌يكيشانه‌وه‌ى له‌ هاوپه‌يمانيه‌گه‌ كردگه‌و چيه‌سه‌ ناو ليست پارت ديموكرات كوردستان له‌ دهۆك.

 

جى باسه‌، حه‌ميد ئاماژه‌ وه‌يه‌يش كرد ره‌وشه‌ن عه‌بدولسه‌لام له‌ وه‌خت هه‌ڵمه‌ت هه‌ڵوژاردنه‌يل ئه‌نجومه‌ن نوێنه‌ره‌يل عراقى سه‌ردان لق يه‌ك پارت ديموكرات كوردستان كردگه‌و ئاشكراى چگنى وه‌ناو رزه‌يل پارتى كردگه‌.