هــــه‌واڵ كــوردى
كوردستان وتاره‌گه‌ى عبادى وه‌ دووسايه‌تى تاريف كرد

كوردستان وتاره‌گه‌ى عبادى وه‌ دووسايه‌تى تاريف كرد


شه‌فه‌ق نيوز/ فه‌لاح مسته‌فا وه‌رپرس په‌يوه‌نديه‌يل خارجى له‌ حكومه‌ت هه‌رێم كوردستان له‌ وه‌خت به‌شداريكردنى له‌ په‌نجه‌مين ديدار سلێمانى جه‌خت له‌وه‌ كرد ك ئيچنه‌ ديداره‌يليگ و ئاماده‌بوين شماره‌ى فريه‌يگ له‌ كه‌سايه‌تيه‌يل ناوچه‌يى و بيگانه‌ ده‌رفه‌تيگه‌ ئه‌را تاوتويكردن كيشه‌و ناكووكيه‌يل وه‌شيوه‌يگ واز.

 

مسته‌فا وت: سازكردن ئى ديداره‌يله‌ له‌ هه‌رێم به‌شدار ئه‌دێ له‌ ده‌رخستن هه‌رێمه‌گه‌ وه‌ ئه‌وه‌گ به‌شيگه‌ جيا نه‌كرياگ له‌ كۆمه‌ڵگاى ناوده‌وڵه‌تى.

 

جى باسه‌، مسته‌فا له‌باره‌ى ناوه‌ڕووك وتاره‌گه‌ى حه‌يده‌ر عبادى سه‌رۆك حكومه‌ت عراقييش ك پيشكه‌شى كرد له‌ يه‌كه‌م رووژ ديداره‌گه‌، وت: وتاره‌گه‌ى عبادى وتاريگ ئاشتيانه‌و دووسايه‌تى بويه‌و ئاماژه‌ وه‌يه‌يش كرد ك هه‌رێم كورستان پايه‌ى تايبه‌ت خوه‌ى ديرێد و خاوه‌ن هه‌ڵويست و سياسه‌ت تايبه‌ته‌و هه‌ر وه‌و خاتريشه‌ بايه‌سه‌ وه‌يه‌كه‌و دانشتن ساز بكريه‌ێد له‌وه‌ر په‌ياكردن چاره‌سه‌ر گونجياگ ئه‌را كيشه‌يل ناونى هه‌ولێر و به‌غدا.