هــــه‌واڵ عــیراق
ناوخوه‌يى مزگانى دا كووچبه‌ره‌يل

ناوخوه‌يى مزگانى دا كووچبه‌ره‌يل


شه‌فه‌ق نيوز/ قاسم ئه‌عره‌جى وه‌زير ناوخوه‌يى عراقى فه‌رمان وازكردن چوار نويسينگه‌ دا ئه‌را ده‌ركردن پاسه‌پۆرت گه‌شتكردن و ره‌گه‌زنامه‌ى مه‌ده‌نى ئه‌را كووچبه‌ره‌يل له‌ به‌غدا.

 

وزاره‌ت ناوخوه‌يى له‌ به‌ياننامه‌يگ ئه‌را(شه‌فه‌ق نيوز)وت: وه‌زير ناوخوه‌يى وه‌خاتر كه‌مه‌وكردن مه‌ينه‌تى و ئاسانه‌وكردن كاروبار كووچبه‌ره‌يل و جيوه‌جيكردن خواسته‌يليان له‌ ده‌زگايه‌يل ره‌گه‌زنامه‌و پاسه‌پۆرت فه‌رمان وازكردن چوار نويسينگه‌ داگه‌ ئه‌را ده‌ركردن پاسه‌پۆرت و ره‌گه‌زنامه‌ كووچبه‌ره‌يل.

 

جى باسه‌، به‌ياننامه‌گه‌ يه‌يش وت: دووان له‌و نويسينگه‌يله‌ له‌ ديم كه‌رخ و ئه‌و دووانه‌گه‌يش له‌ ديم رسافه‌ له‌ به‌غدا واز ئه‌كريه‌ن و ده‌وام ئه‌و نويسينگه‌يله‌ ته‌نيا له‌ رووژه‌يل شه‌ممه‌ له‌ هه‌فته‌يگه‌.