هــــه‌واڵ كــوردى
مه‌سعود بارزانى له‌باره‌ى لاوردن گه‌مارۆ له‌بان ته‌ياره‌خانه‌يل هه‌رێم كوردستان چه‌ وت؟

مه‌سعود بارزانى له‌باره‌ى لاوردن گه‌مارۆ له‌بان ته‌ياره‌خانه‌يل هه‌رێم كوردستان چه‌ وت؟


شه‌فه‌ق نيوز/ مه‌سعود بارزانى سه‌رۆك پارت ديموكرات كوردستان، مه‌سه‌له‌ێ لاوردن گه‌مارۆ ئاسمانى ناوده‌وڵه‌تى له‌بان ته‌ياره‌خانه‌يل هه‌رێم كوردستان وه‌ "گام خاسيگ" تاريف كرد ئه‌را چاره‌سه‌ر ناكووكيه‌يل ناونى هه‌ولێر و به‌غدا.

 

بارزانى له‌بان ماڵپه‌ڕ په‌يوه‌ندى كۆمه‌ڵايه‌تى نويساگه‌: لاوردن گه‌مارۆ ته‌ياره‌وانى ناوده‌وڵه‌تى له‌بان هه‌رێم كوردستان گام خاسيگه‌ وه‌ره‌و چاره‌سه‌ر كيشه‌و ناكووكيه‌يل ناونى هه‌ردوگلا.

 

جى باسه‌، بارزانى هه‌ميش نويساگه‌: خواسته‌ گشتلايگ ئه‌وه‌ بزانن ك كيشه‌و ناكووكيه‌يل ناونى هه‌رێم كوردستان و ده‌وڵه‌ت عراقى نه‌بايه‌د ئختزال بكريه‌ێد له‌ڕێ كيشه‌يل په‌يوه‌س وه‌ ته‌ياره‌خانه‌يل و بودجه‌، به‌ڵكوو په‌يوه‌سه‌ وه‌ كيشه‌يل سياسى و نيشتمانى و مێژوويى و ده‌ستوورى و ئنسانى و ئابوورێ.