هــــه‌واڵ عــیراق
ده‌سپاكى له‌باره‌ى قه‌رز ئه‌را پرووژه‌يل پيشه‌سازى و خزمه‌تگوزارى وشدارى دا

ده‌سپاكى له‌باره‌ى قه‌رز ئه‌را پرووژه‌يل پيشه‌سازى و خزمه‌تگوزارى وشدارى دا


شه‌فه‌ق نيوز/ تيم ئستقسائى سه‌ر وه‌ ده‌زگاى چه‌وديرى له‌ ليژنه‌ى ده‌سپاكى رينمايى خواست هه‌وڵ سه‌رپه‌رشى ته‌مام و پيشه‌ييگ دا له‌ داناين ميكانيزم و رينمايه‌يل ئاشكراو دياريكرياگيگ ئه‌را خه‌رج و هاوردنه‌وه‌ى قه‌رزه‌يل له‌لاى بيكاره‌يل و له‌ هه‌مان وه‌خت وشدارى له‌ داين ئه‌و قه‌رزه‌يليشه‌ دا ئه‌را پرووژه‌يل پيشه‌سازى و خزمه‌تگوزارى ك له‌وه‌ر خاريان خه‌رج كرياگه‌.

 

ئه‌و تيمه‌ ك چه‌وديرى ئاست و راده‌ى ئه‌رك ده‌زگاى ته‌شغيل و قه‌رزه‌يل ئه‌كا له‌ وزاره‌ت كار و كاروبار كۆمه‌ڵايه‌تى وه‌ل جوور ئه‌و خزمه‌تگوزاريه‌ ك پيشكه‌ش وه‌ هاووڵاتيه‌يل ئه‌كريه‌ێد له‌ به‌ياننامه‌يگ ك(شه‌فه‌ق نيوز)ئاگادارى بوى، وت: له‌بان ماڵپه‌ڕ ليژنه‌گه‌ رينمايى و وشدارى له‌باره‌ى قه‌رزه‌يل درياگه‌ وه‌ شيوه‌ى دروسيگ و ئاماژه‌يش وه‌ شماره‌ى فيشتر له‌ كارمه‌نده‌يل كرياگه‌ له‌وانه‌گ دامه‌زريانه‌ جوور توێژه‌ره‌يل كۆمه‌ڵايه‌تى بيجگه‌ وجوود چالاكيه‌يل بازرگانى و پيشه‌سازى و خزمه‌تگوزارى پيشنياركرياێ ئه‌را وه‌رگرتن قه‌رز.

 

جى باسه‌، به‌ياننامه‌گه‌ باس له‌وه‌يش كرد ك داواى قه‌رزيش ئه‌را چالاكيه‌يل تايبه‌تيش كرياگه‌ وه‌ مه‌رجيگ مه‌ردمان بيكار بخريه‌نه‌ كاره‌و له‌ ده‌زگاى زه‌مان كۆمه‌ڵايه‌تى له‌ڕى پرووژه‌يلى و داواى يه‌يش كرد چه‌وديرى ئه‌و قه‌رزه‌يله‌ بكريه‌ێد وه‌ل پيشكه‌شكردن هه‌ڵويستيگ له‌بان ئاكامه‌يل وه‌به‌رهاوردنى.