هــــه‌واڵ عــیراق
برنج كومپانيايگ ئه‌مريكى ئاسايش خوه‌راك عراق ئه‌خاده‌ مه‌ترسى

برنج كومپانيايگ ئه‌مريكى ئاسايش خوه‌راك عراق ئه‌خاده‌ مه‌ترسى


شه‌فه‌ق نيوز/ عاليه‌ نسه‌يف ئه‌ندام ئه‌نجومه‌ن نوێنه‌ره‌يل عراقى له‌بان به‌ره‌ى ئه‌لئسڵاح ره‌خنه‌ له‌وه‌ گرت ك سه‌رۆكايه‌تى وه‌زيره‌يل و وشكاننكار گشتى له‌ وزاره‌ت بازرگانى هه‌ڵويست تازه‌ له‌وه‌ر روێداگه‌يل له‌ وزاره‌ته‌گه‌ وه‌رنه‌گرتنه‌ له‌ مه‌سه‌له‌ى وازيكردن وه‌ قووت ملله‌ت و داوايش له‌ لايه‌نه‌يل په‌يوه‌نديدار كرد راسه‌وخۆ ده‌خاڵه‌ت بكه‌ن و داوه‌ت راسه‌وخۆ كومپانياى ئه‌مريكى ئه‌را هاوردن برنج ره‌ته‌و بكه‌ن، ئه‌ويش له‌وه‌ر ئه‌وه‌گ وه‌ خواست خوه‌ى نرخه‌گه‌ى چه‌سپنێد له‌وه‌ر نه‌وين كومپانيايه‌يل ركابه‌ر.

 

نسه‌يف له‌ به‌ياننامه‌يگ ئه‌را(شه‌فه‌ق نيوز)وت: وه‌گووره‌ى ئه‌و زانياريه‌يله‌ ك ديريمنه‌ى ئه‌وه‌ ده‌ركه‌فێد ك ته‌نيا دو كومپانياى ئه‌مريكى دو نمايش پيشكه‌ش كردنه‌ ئه‌را ئاماده‌كردن برنج ئه‌مريكى وه‌گووه‌رى داوه‌ت راسه‌وخۆ ئه‌را چوار كومپانيا ك يه‌كيگ له‌ليان كومپانياى (ئى دى ئێم)و مامڵه‌ وه‌ل عراق ديرێد و دويه‌ميان هويچ مامڵه‌يگ نه‌ياشتگه‌ وه‌ل عراق و هه‌ر وه‌و خاتريشه‌ كومپانياى يه‌كه‌م وه‌ خواست خوه‌ى نرخ داناگه‌ له‌وه‌ر نه‌وين ركابه‌ر له‌ كومپانيايه‌يل تر ئه‌مريكى و دوياخريش به‌رژه‌وه‌ندى گشتى ئه‌وه‌سه‌ مامڵه‌ وه‌ل ئى كومپانيا نه‌كريه‌ێد.

 

جى باسه‌، نسه‌يف يه‌يش ده‌رخست ك گشت ئى رى و شوونه‌يله‌ له‌ده‌سداين وه‌خته‌و ئاسايش خوه‌راكى وڵاته‌گه‌ ئه‌خاده‌ مه‌ترسى وه‌تايبه‌ت له‌ساى نه‌وين هويچ خه‌زينيگ له‌لاى وزاره‌ت بازرگانى.