هــــه‌واڵ كــوردى
وه‌رپرسيگ ئه‌مريكى سه‌ردان كوردستان و عراق ئه‌كا

وه‌رپرسيگ ئه‌مريكى سه‌ردان كوردستان و عراق ئه‌كا


شه‌فه‌ق نيوز/ وزاره‌ت خارجيه‌ى ئه‌مريكى، ئاشكراى پايه‌ندێ وڵاته‌گه‌ى وه‌ پشتگيرى كه‌مينه‌يل كرد له‌ عراق و يه‌يش ده‌رخست ك وه‌رپرسيگ ئه‌مريكى له‌ى باوه‌ته‌و سه‌ردان هه‌رێم كوردستان و عراق ئه‌كا.

 

هيزه‌ر نوێرت قسه‌كه‌ر وه‌ناو خارجيه‌ى ئه‌مريكى له‌ به‌ياننامه‌يگ ك شه‌فه‌ق نيوز ئاگادارى بوێ، وت: ئداره‌ى ئه‌مريكى ئه‌وله‌ويه‌ت داسه‌ كه‌مينه‌يل له‌ مقه‌يه‌تيكردن و ئه‌وانه‌گ قوتار بوينه‌ له‌ له‌ناوبردن وه‌جه‌م و تاوانه‌يل دژه‌ ئنسانيه‌ت و كاره‌يل تر شايسته‌ى ئه‌وه‌ نيين پشتگووش بخريه‌ن.

 

نوێرت هه‌ميش وت: مارك گرين وه‌ڕيه‌وبه‌ر ئاژانس ئه‌مريكى ئه‌را په‌ره‌داين ناوده‌وڵه‌تى وه‌ فه‌رمان جيگر سه‌رۆك ئه‌مريكى سه‌ردان عراق ئه‌كا له‌ هه‌فته‌يل ئاينده‌ ئه‌را ده‌سميه‌تداين كه‌مينه‌يل وه‌شيوه‌يگ خاستر و هه‌ر وه‌و خاتريشه‌ باڵوێزخانه‌ى ئه‌مريكى له‌ به‌غدا و له‌ هه‌ولێريش خوازيارن كار وه‌ل گرين بكه‌ن له‌ى باوه‌ته‌و.