هــــه‌واڵ عــیراق
ئئتلاف مالكى چگنى وه‌ناو هاوپه‌يمانى سه‌در و عامرى ده‌رخست

ئئتلاف مالكى چگنى وه‌ناو هاوپه‌يمانى سه‌در و عامرى ده‌رخست


شه‌فه‌ق نيوز/ ئئتلاف ده‌وڵه‌ت ياسا، ئه‌وه‌ ده‌رخست ك ها ناو هاوپه‌يمانى نيشتمانى وه‌ شيوه‌ تازه‌گه‌ێ.

 

محه‌مه‌د عگێلى سه‌ركرده‌ له‌ ده‌وڵه‌ت ياسا ئه‌را شه‌فه‌ق نيوز وت: ده‌وڵه‌ت ياسا ها ناو هاوپه‌يمانى نيشتمانى و بنه‌ڕه‌ته‌ له‌تى و برايه‌يل له‌ سائرون له‌ده‌يشت ئى هاوپه‌يمانيه‌ بوينه‌و باس له‌وه‌يش كرد ك هه‌وڵ ئه‌را رازيكردن سائرون له‌وه‌ر هاتنه‌وه‌ ئه‌را ناو هاوپه‌يمانى نيشتمانى وه‌ شيوه‌ تازه‌گه‌ێ دياره‌ له‌و كاره‌ سه‌ركه‌فتگه‌.

 

عگێلى گله‌وخواردن ئه‌را هاوپه‌يمانيه‌يل وه‌رين وه‌ شيوه‌ تازه‌گه‌ێ برده‌و ئه‌را هووكار ئه‌وه‌گ ك زوورم فراكسيۆنه‌يل سياسى ره‌سينه‌سه‌ كووتايه‌يليگ ك شايسته‌ى هاوپه‌يمانێتى نيه‌ وه‌ل يه‌كترى و كاره‌گه‌ له‌يوا ئه‌خوازێد گشت فراكسيۆنيگ سه‌ركه‌فتگ گاميگ وه‌ره‌و دويا بچێد وه‌ره‌و ئه‌و ئه‌ساسه‌ ك پرووسه‌ى سياسى له‌بانى بنيات نريا له‌ عراق ك ئه‌ويش پيكهاتگه‌ له‌ هاوپه‌يمانى كورد و سنى و شيعه‌ وه‌رجه‌ چگنيان ئه‌را دانيشتن، وه‌لێ ئيجاره‌ وه‌ هه‌وڵ به‌رزيگه‌و.