هــــه‌واڵ جیــهانى
واشنتۆن ئه‌خوازێد فه‌يله‌ق پاسه‌وان شۆرش ئيرانى بخاده‌ ليست تيرۆر

واشنتۆن ئه‌خوازێد فه‌يله‌ق پاسه‌وان شۆرش ئيرانى بخاده‌ ليست تيرۆر


شه‌فه‌ق نيوز/ ئداره‌ى دۆناڵد ترامپ سه‌رۆك ئه‌مريكا، خوازياره‌ پاسه‌وان شۆڕش ئيرانى بخاده‌ ليست ريكخرياگه‌يل تيرۆريستى، جوور ئه‌وه‌گ له‌ رووژنامه‌ى وۆل سترێت جۆرناڵ له‌ زووان وه‌رپرسه‌يليگ ئه‌مريكى باسى كرد.

 

وه‌ گووره‌ى رووژنامه‌گه‌، رووژ دوشه‌ممه‌ ئاشكراى ئه‌و بڕياره‌ ئه‌كريه‌ێد.

 

جى باسه‌، وه‌گووره‌ى چه‌رچه‌وه‌يليگ ئه‌را رووژنامه‌گه‌يش، مايك په‌مپيۆ وه‌زير خارجيه‌ى ئه‌مريكا و جون بۆڵتون راوێژكار سه‌رۆكايه‌تى ئه‌را ئاسايش نه‌ته‌وه‌يى پشتگيرى ئه‌و بڕياره‌ كردنه‌، وه‌لێ وه‌پرسه‌يل پنتاگۆن ناڕه‌زايه‌تى له‌بانى ده‌رخستنه‌و له‌وانه‌يش جۆزيف دانفورد سه‌رۆك ده‌سه‌ى ئه‌ركان هاوبه‌ش.